എസ്ബിഐ കെവൈസി അപ്ഡേറ്റ് ചെയ്യേണ്ട അവസാന ദിനം ഇന്ന്

എസ്ബിഐ ഉപഭോക്താക്കൾ തങ്ങളുടെ കെവൈസി വിവരങ്ങൾ അപ്ഡേറ്റ് ചെയ്യേണ്ട അവസാന തിയതി ഇന്നാണ്. (ഫെബ്രുവരി 28). പുതിയ വിവരങ്ങൾ അപ്ഡേറ്റു ചെയ്യാത്ത ഉപഭോക്താക്കളുടെ ബാങ്ക് അക്കൗണ്ടുകൾ മരവിപ്പിക്കും എന്ന് എസ്ബിഐ അറിയിച്ചിരുന്നു

കൊച്ചി: ഫെബ്രുവരി 28-നു മുമ്പ് കെവൈസി വിവരങ്ങൾ അപ്ഡേറ്റ് ചെയ്യാത്ത ഉപഭോക്താക്കളുടെ അക്കൗണ്ടുകൾ ബ്ലോക്ക് ചെയ്യുമെന്ന് എസ്ബിഐ അറിയിച്ചിരുന്നു. ഓൺലൈനായും കെവൈസി വിവരങ്ങൾ അപ്ഡേറ്റു ചെയ്യാം. കെവൈസി അപ്ഡേഷൻറെ സ്റ്റാറ്റസ് ഓൺലൈനിലൂടെ അറിയാനും ഇപ്പോൾ അവസരമുണ്ട്.

Samayam Malayalam

1. എങ്ങനെയാണ് കെവൈസി അപ്ഡേറ്റ് ചെയ്യേണ്ടത്?
   നി‍ര്‍ദ്ദിഷ്ട കെവൈസി ഫോം പൂരിപ്പിച്ച് ഏതെങ്കിലും അംഗീകൃത അഡ്രസ് പ്രൂഫിനൊപ്പം സമ‍‍ര്‍പ്പിയ്ക്കാം. ഓൺലൈനായും ഡിജിറ്റൽ സിഗ്നേച്ച‍ര്‍ നൽകി കെവൈസി വിവരങ്ങൾ അപ്ഡേറ്റ് ചെയ്യാം. അക്കൗണ്ടുകൾ ദുരുപയോഗം ചെയ്യപ്പെടുന്നത് തടയാനാണ് കൈവൈസി വിവരങ്ങൾ നിർബന്ധമാക്കുന്നത്.
2. അംഗീകൃത അഡ്രസ് പ്രൂഫ് ഏതൊക്കെ?
   ആധാ‍ര്‍ കാര്‍ഡ്, പാൻ കാര്‍ഡ്, പാസ്പോ‍ര്‍ട്ട്, വോട്ടര്‍ ഐഡി കാ‍ര്‍ഡ്, ഡ്രൈവിങ് ലൈസൻസ്, ഫോൺ ബിൽ, ഫോട്ടോയോടു കൂടിയ ബാങ്ക് പാസ്ബുക്ക്, ഇലക്ട്രിസിറ്റി ബിൽ.
3. കെവൈസി സ്റ്റാറ്റസ് എങ്ങനെ അറിയും?
   ബാങ്ക് ബ്രാഞ്ചിൽ നേരിട്ടു പോയാൽ കെവൈസി സംബന്ധിച്ച വിവരങ്ങൾ ലഭിയ്ക്കും. അപ്ഡേഷൻ സ്റ്റാറ്റസും അറിയാനാകും. ഇൻറ‍ര്‍നെറ്റ് ബാങ്കിങ്ങിലൂടെയും, എസ്ബിഐ സൈറ്റിലൂടെയും കെവൈസി സ്റ്റാറ്റസ് അറിയാം.
4. ഓൺലൈനായി കെവൈസി അപ്‍ഡേറ്റു ചെയ്യുന്നത് എങ്ങനെ?
   യൂസർഐഡിയും പാസ് വേഡും ഉപയോഗിച്ച് എസ്ബിഐ കാര്‍ഡ്.കോം എന്ന വെബ്സൈറ്റ് സന്ദ‍ര്‍ശിയ്ക്കുക. മൈ അക്കൗണ്ട്സ് സെലക്ട് ചെയ്യുക. സബ്മ്മിറ്റ് കെവൈസി എന്നതിൽ ക്ലിക്ക് ചെയ്യുക. നിലലവിലുള്ള അഡ്രസ് പ്രൂഫ്, ഐഡി പ്രൂഫ്, പാസ്പോ‍ര്‍ട്ട് സൈസ് ഫോട്ടോ ഗ്രാഫ് എന്നിവ സ്കാൻ ചെയ്ത് നൽകുക. സബ്മിറ്റ് ചെയ്യുക.
5. അപ്രൂവലിന് എത്ര ദിവസങ്ങൾ വേണം?
   ഏഴു പ്രവ‍ര്‍ത്തി ദിവസങ്ങളാണ് സാധാരണയായി കെവൈസി അപ്ഡേഷൻ അപ്രൂവലിനായി വേണ്ടി വരുന്നത് ഇതിന് ശേഷം കെവൈസി അപേഡേഷൻ സംബന്ധിച്ച സ്റ്റാറ്റസ് അറിയാനാകും