ഇന്ത്യൻ കറൻസികളിൽ ഒപ്പു വയ്ക്കുന്ന ആര്‍ബിഐ ഗവര്‍ണറുടെ ശമ്പളം

കൊച്ചി: ഇന്ത്യൻ കറൻസികളിൽ ഒപ്പു വയ്ക്കുന്ന ആര്‍ബിഐ ഗവര്‍ണര്‍ ശക്തികാന്ത ദാസിന് എത്ര രൂപയായിരിക്കും ശമ്പളം. റിസര്‍വ് ബാങ്കിൽ ഒരു ജോലി ആഗ്രഹിയ്ക്കുന്നവര്‍ എന്തായാലും ഒരിയ്ക്കൽ എങ്കിലും ഇങ്ങനെ ചിന്തിച്ചിട്ടുണ്ടാകും? ആര്‍ബിഐ ഗവര്‍ണര്‍ക്ക് ഡെപ്യൂട്ടി ഗവര്‍ണറേക്കാൾ ഒരു മാസം 31,500 രൂപയാണ് അധികമായി ലഭിയ്ക്കുന്നത്.

ആര്‍ബിഐ ഗവര്‍ണര്‍ ശക്തികാന്ത ദാസിൻെറ ഒരു മാസത്തെ ശമ്പളം എത്രയാണെന്നോ? 2.87 ലക്ഷം രൂപ2.87 ലക്ഷം രൂപ. ആര്‍ബിഐയിലെ നാല് ഡെപ്യൂട്ടി ഗവര്‍ണര്‍മാര്‍ക്ക് 2.55 ലക്ഷം രൂപ വീതമാണ് പ്രതിമാസ ശമ്പളം. 2019 ജൂൺ 30-ലെ കണക്കാണ് ഇത്.

Also Read: ചെയര്‍മാൻ ഇല്ല; സാംസങ് ഗ്രൂപ്പിൽ അധികാര വിഭജനത്തെ ചൊല്ലി തര്‍ക്കം

മൂന്ന് വര്‍ഷം മുമ്പായിരുന്നു ആര്‍ബിഐയിലെ ശമ്പള പരിഷ്കരണം. ആര്‍ബിഐ ഗവര്‍ണര്‍ ഉര്‍ജിത് പട്ടേലിൻെറ സമയത്തായിരുന്നു ഇത്. 2016 ജനുവരി ഒന്നിന് 2.55 ലക്ഷം രൂപയായി ഉര്‍ജിത് പട്ടേലിൻെറ അടിസ്ഥാന ശമ്പളം ഉയര്‍ത്തുകയായിരുന്നു.

മൂന്ന് വര്‍ഷമായി അടിസ്ഥാന ശമ്പളത്തിൽ മാറ്റം വരുത്തിയിട്ടില്ല. 2.25 ലക്ഷം രൂപയായിരുന്നു മൂന്ന് വര്‍ഷം മുമ്പ് ഡെപ്യൂട്ടി ഗവര്‍ണര്‍മാരുടെയും അടിസ്ഥാന ശമ്പളം. അതേസമയം രാജ്യത്തെ പ്രമുഖ സ്വകാര്യ ബാങ്കുകളുടെ തലപ്പത്തുള്ള മാനേജിങ് ഡയറക്ടര്‍ ആൻഡ് സിഇഒ പോസ്റ്റിലുള്ളവര്‍ നേടുന്നത് ഇതിൻെറ പത്തിരട്ടിയിലും ഏറെയാണ്.