എണ്ണ കാച്ചാനറിയാമോ? ലക്ഷങ്ങൾ വരുമാനമുണ്ടാക്കാം

മകളുടെ താരന് പരിഹാരം കാണാൻ പരസ്യത്തിൽ കണ്ട നിരവധി എണ്ണകളും ഷാമ്പൂവുമെല്ലാം മാറി മാറി പരീക്ഷിച്ചിട്ടും പരിഹാരം കണ്ടെത്താനായില്ല. പണം ചെലവാകുന്നത് മിച്ചവും. അവസാനം. പരമ്പരാഗതമായി അമ്മ പറഞ്ഞു കൊടുത്ത രീതികൾ അനുസരിച്ച് എണ്ണ കാച്ചാൻ തയ്യാറാകുകയായിരുന്നു. ഒരു കിലോഗ്രാം എണ്ണയാണ് ആദ്യം കാച്ചി കുപ്പികളിൽ ആക്കിയത്. കാച്ചിയ എണ്ണ സ്ഥിരമായി തേക്കാൻ തുടങ്ങിയതോടെ നേരിയ ബ്രൗൺ നിറമുള്ള മുടി നന്നായി കറുത്ത് തഴച്ച് വളരാനും തുടങ്ങി. ഇത് ശ്രദ്ധിച്ചവര്‍ തലയിൽ തേക്കുന്ന എണ്ണ ഏതാണെന്ന് ചോദിച്ച് തുടങ്ങിയതാണ് തുടക്കം. സംരംഭം തുടങ്ങാൻ പ്രചോദനമായതും ഇതു തന്നെ.

തുടക്കത്തിൽ എണ്ണ ആവശ്യപ്പെട്ട സുഹൃത്തുക്കൾക്കും അദ്ധ്യാകര്‍ക്കും ഒക്കെ നിര്‍മിച്ച് നൽകുകയായിരുന്നു. കാച്ചെണ്ണയ്ക്ക് വിചാരിച്ചതിലും ഡിമാൻഡ് ആയതോടെ 2018-ലാണ് ബ്രാൻഡ് രൂപീകരിയ്ക്കുന്നത്. നാലു ലക്ഷം രൂപ വ്യക്തിഗത വായ്പ എടുത്തായിരുന്നു തുടക്കം. ആദ്യം അടുത്തുള്ള കടകളിൽ ഒക്കെയായിരുന്നു വിൽപ്പന എങ്കിലും ഇപ്പോൾ സൂപ്പര്‍ മാര്‍ക്കറ്റുകളിലും എണ്ണ എത്തിയ്ക്കുന്നുണ്ട്. നന്തികേശം ഹെര്‍ബൽ ഓയിൽ എന്ന പേരിലാണ് ഹെയര്‍ ഓയിൽ വിൽപ്പന. ഹെയര്‍ ഓയിൽ മാത്രമല്ല ഹെര്‍ബൽ ഷാമ്പൂ, ഇൻഡിഗോ ഓയിൽ, സാനിറ്റൈസര്‍ എന്നിവ എല്ലാം വിൽപ്പനയ്‍ക്കെത്തിയ്ക്കുന്നുണ്ട്. 100 എംഎൽ ഹെയര്‍ ഓയിലിന് 350 രൂയാണ് വില. 500 എംഎല്ലിന് 1700 രൂപയാണ് വില. തിരുവനന്തപുരത്തെ പള്ളി മുക്കിലാണ് ഉത്പാദന യൂണിറ്റ്