16 കോടി രൂപയുടെ ആസ്തിയുമായി 21-കാരൻ
ഇന്ത്യയിൽ രണ്ടു കോടിയിൽ അധികം സബ്‍സ്ക്രൈബര്‍മാരുള്ള യൂട്യൂബ് ചാനലുകളുമുണ്ട്. അതിൽ ഒന്നാണ് ക്യാരി മിനാത്തി.കോമഡി സ്കിറ്റുകളിലൂടെയാണ് ഫറേദാബാദ് സ്വദേശി അജെയ് നഗറിൻെറ ചാനൽ ശ്രദ്ധേയമായത്. എൻറര്‍ടെയ്ൻറ്മെൻറ് ചാനലിന് രാജ്യമൊട്ടാകെയുള്ളത് നിരവധി ആരാധകര്‍. 21 വയസ് മാത്രം പ്രായമുള്ള യൂട്യൂബര്‍ യൂട്യൂബിലുടെ പ്രതിമാസം നേടുന്നത് ദശലക്ഷങ്ങളാണ്.
അജയ് നഗെറിൻെറ യൽഗാര്‍ എന്ന പാട്ട് വൈറൽ ആയതോടെ ലക്ഷക്കണക്കിന് ഫോളോവേ‍ഴ്സിനെയും കിട്ടി. 6.4 കോടി ആളുകൾ ആണ് ഈ ഒറ്റ വീഡിയോ കണ്ടത്. വീഡിയോ ഗെയിം ഇഷ്ടപ്പെടുന്ന യൂട്യൂബര്‍ക്ക് ക്യാരി ഈസ് ലൈവ് എന്ന പേരിലെ ഗെയിമിങ് ചാനലിലൂടെ ലഭിയ്ക്കുന്ന വരുമാനം കൂടാതെയാണിത്. 16 കോടി രൂപയാണ് കുഞ്ഞുപ്രായത്തിലെ ഏകദേശ ആസ്തി.
2.5 കോടി സബ്‍സ്ക്രൈബര്‍മാരുമായി അമിത് ഭദാന
അക്ഷയ് കുമാര്‍, അജയ് ദേവ്ഗൺ എന്നിവര്‍ക്കൊപ്പം ബോളീവുഡിൽ പ്രവര്‍ത്തിച്ച അമിത് ഭദാന പേരു കേട്ട കൊമേഡിയൻ ആണ്. ചാനലിലൂടെ എല്ലാവരെയും ചിരിപ്പിച്ച് തന്നെയാണ് ഫോളാവേഴ്സിനെയും നേടിയത്. രണ്ടു കോടി യൂട്യൂബ് സബ്സ്ക്രൈബര്‍മാരെ ആദ്യം നേടിയ യൂട്യൂബര്‍ ഇദ്ദേഹം തന്നെയാണെന്ന് വിവിധ റിപ്പോര്‍ട്ടുകൾ സൂചിപ്പിയ്ക്കുന്നു. 26കാരനായ ഭദാന ഡൽഹിയിൽ ആണ് താമസം. ലോകത്തിൽ തന്നെ ഏറ്റവും കൂടുതൽ ആളുകൾ കണ്ട 10 വീഡിയോകളുടെ ലിസ്റ്റിലും ഭദാനയുടെ വീഡിയോ ഇടം പിടിച്ചിട്ടുണ്ട്. 2012-ൽ ആണ് യൂട്യൂബ് ചാനൽ തുടങ്ങിയത് എങ്കിലും വീഡിയോകൾ പപ്ലീഷ് ചെയ്തു തുടങ്ങുന്നത് 2017-മുതൽ മാത്രമാണ്. 52 കോടി രൂപയിൽ അധികമാണ് ഏകദേശ ആസ്തി.
കോമഡിയിലൂടെ തന്നെ ആശിഷ് ചഞ്ച്‍ചലാനി
കോമഡികളിലൂടെ നമ്മളെ കുടുകുടാ ചിരിപ്പിയ്ക്കുന്നവരെ ആര്‍ക്കാണ് ഇഷ്ടമല്ലാത്തത്? കൊമേഡിയൻ റോളിലൂടെ തന്നെയാണ് യൂട്യൂബിൽ ഏറ്റവും കൂടുതൽ സബ്‍സ്ക്രൈബര്‍മാരുള്ളവരിൽ ഒരാളായ ചഞ്ച്‍ചലാനിയും തിളങ്ങുന്നത്. 26 വയസുകാരനായ താരം എൻജിനിയറിങ് ബിരുദധാരിയാണ്. 1.86 കോടി സബ്‍സ്ക്രൈബര്‍മാരാണുള്ളത്. വെബ്‍സീരീസുകളിലും അഭിനയിച്ചിട്ടുണ്ട്. 29 കോടി രൂപയോളമാണ് ഏകദേശ ആസ്തി.