കൊച്ചി: വാട്സാപ്പ് പേയിലൂടെ ഇന്ത്യയിൽ ഉടനീളം പണം ഇപ്പോൾ പണം അയക്കുന്നതും സ്വീകരിയ്ക്കുന്നതിനും കഴിയും. നാഷണൽ പെയ്മെൻറ് കോര്പ്പറേഷൻസ് ഓഫ് ഇന്ത്യയുടെ സഹകരണത്തോടെയാണ് രാജ്യത്ത് പെയ്മെൻറ് സേവനങ്ങൾ വാട്സാപ്പ് ആരംഭിച്ചിരിയ്ക്കുന്നത്. യുപിഐ അധിഷ്ഠിത സേവനങ്ങൾക്കുള്ള നിയന്ത്രണങ്ങൾ വാട്സാപ്പിനും ബാധകമാകും. ഒരു ലക്ഷം രൂപ വരെയാണ് പരമാവധി കൈമാറാൻ ആകുക. തുടക്കത്തിൽ നിശ്ചിത വാട്സാപ്പ് ഉപയോക്താക്കൾക്ക് മാത്രമായിരിക്കും സേവനം ലഭ്യമാകുക.
വാട്സാപ്പ് ഉപയോഗിച്ച് എങ്ങനെ പണം ഇടപാടുകൾ നടത്തും?
വാട്സാപ്പ് തുറന്ന്, ഗോ റ്റു സെറ്റിങ്സ് എന്നതിൽ നിന്ന് ടാപ് പെയ്മെൻറ്സ് എന്നതിൽ ക്ലിക്ക് ചെയ്യാം. ബാങ്ക് തെരഞ്ഞെടുക്കാം. ബാങ്ക് തെരഞ്ഞെടുത്തതിന് ശേഷം ഫോൺ നമ്പര് വെരിഫൈ ചെയ്യാം. എസ്എംഎസിലൂടെ ഇത് പരിശോധയ്ക്കാം. വേരിഫിക്കേഷൻ നടപടികൾ പൂര്ണമായാൽ പെയ്മെൻറ്സ് മെതേഡ്സ് എന്നതിനു താഴെ നിങ്ങളുടെ ബാങ്ക് വിവരങ്ങളും പ്രത്യക്ഷപ്പെടും.
പണം അയക്കാൻ ചാറ്റ് എന്നതിൽ നിന്ന് അറ്റാച്ച്മെൻറ് ഐക്കൺ തെരഞ്ഞെടുക്കുക. പെയ്മെൻറ് എന്നതിൽ ക്ലിക്ക് ചെയ്ത് എമൗണ്ട് നൽകി എൻറര് കൊടുക്കുക. പെയ്മെൻറ് നടപടി പൂര്ത്തിയാക്കാൻ യുപിഐ പിൻ നൽകാം.
Also Read: വാട്സാപ്പ് പെയ്മെൻറ് സംവിധാനം; ഉപാധികളോടെ അനുമതി
വാട്സാപ്പ് ചാറ്റ് തുറന്ന് അറ്റാച്ച്മെൻറ് ഐക്കൺ ക്ലിക്ക് ചെയ്ത് ടാപ് പെയ്മെൻറ് നൽകാം. അടുത്ത സ്ക്രീനിൽ നോട്ടിഫൈ എന്നതിൽ നിന്ന് രജിസ്റ്റര് ചെയ്തിട്ടില്ലാത്ത നമ്പറിലേയ്ക്കും പണം അയക്കാൻ ആകും. ഘട്ടം ഘട്ടമായി ആണ് വാട്സാപ്പ് പെയ്മെൻറ് സേവനം വാട്സാപ്പിൻെറ മുഴുവൻ ഉപഭോക്താക്കളിലേയ്ക്കുമെത്തുക.
രാജ്യത്ത് 45 കോടിയിൽ അധികം ആളുകൾ വാട്സാപ്പ് ഉപയോഗയ്ക്കുന്നുണ്ട്. 1.5 കോടി ചെറു ബിസിനസുകാരും. എല്ലാവരിലേയ്ക്കും പെയ്മെൻറ് സേവനങ്ങൾ എത്തിയ്ക്കാൻ ആയാൽ രാജ്യത്തെ ഏറ്റവും വലിയ പെയ്മെൻറ് സംവിധാനങ്ങളിൽ ഒന്നായി വാട്സാപ്പ് മാറിയേക്കും.