161 രൂപയ്ക്ക് ഒരു കിടിലൻ ടൂര്‍ പോയാലോ?

കൊച്ചി: വിനോദത്തിനായി യാത്ര ചെയ്യാൻ ആഗ്രഹമുണ്ടെങ്കിലും പണച്ചെലവ് ഓര്‍ക്കുമ്പോൾ മാറ്റി വയ്ക്കാറുണ്ടോ? വരുമാനം കണ്ടെത്താൻ പുതിയ മാര്‍ഗങ്ങളുമായി എത്തിയിരിക്കുകയാണ് കെഎസ്ആര്‍ടിസി. മൂന്നാറിലൂടെയുള്ള ബജറ്റ് ടൂര്‍ ക്ലിക്കായതിനു ശേഷം കൂടുതൽ മനോഹരമായ സര്‍വീസുകൾ നടത്തുകയാണ് കെഎസ്ആര്‍ടിസി. കോതമംഗലം- എറണാകുളം റൂട്ടിൽ ആണ് പ്രത്യേക സര്‍വീസ് നടത്തുന്നത്.

സാധാരണ പരമാവധി രണ്ടു മണിയ്ക്കൂര്‍ സമയമെടുക്കുന്ന റൂട്ടിൽ സമയമെടുത്താണ് ഈ യാത്ര.
മനോഹരമായ പ്രദേശങ്ങളിലൂടെ 236 കിലോമീറ്റര്‍ യാത്ര ചെയ്യാം. കോതമംഗലം, മൂവാറ്റുപുഴ, തൊടുപുഴ, ഇടുക്കി, പെരുമ്പാവൂർ, എറണാകുളം തുടങ്ങിയ സ്ഥലങ്ങളെ ബന്ധിപ്പിച്ചുള്ള യാത്രയ്ക്ക് ചെലവാകുക 161 രൂപ മാത്രം.

Also Read: കൊതുകിനെ നേരിടാൻ കൊതുകുകൾ തന്നെ; കൊതുകുതിരി കമ്പനികൾക്ക് പണി കൊടുത്തൊരു രാജ്യം

കോതമംഗലത്തെ കെഎസ്ആര്‍ടിസി ഡിപ്പോയിൽ നിന്ന് രാവിലെ 8.30നാണ് യാത്ര ആരംഭിയ്ക്കുന്നത്.ഒരു മണിയോടെ മനോഹരമായ ഗ്രാമ പ്രദേശമായ തോപ്രാം കുടിയിലെത്തും. രാത്രി 7.45നാണ് എറണാകുളത്തെത്തുക. ഗ്രാമീണ ഭംഗിയും കാടിൻെറ മനോഹാരിതയും ഒക്കെ ആസ്വദിച്ച് ചെറു പട്ടണങ്ങൾ കണ്ട് ഒരു യാത്ര.

മലയും കയറ്റിറക്കങ്ങളും ചുരവുമൊക്കെയുള്ള മനോഹരമായ തോപ്രാംകുടി എന്ന സ്ഥലത്തെ ബന്ധിപ്പിച്ചാണ് ഈ യാത്ര. കോതമംഗലത്തു നിന്ന് തോപ്രാംകുടിയിലേക്ക് 95 കിലോമീറ്റർ വരുന്ന യാത്രയ്ക്ക് 112 രൂപയാണ് ചെലവ്. തോപ്രാംകുടി-എറണാകുളം റൂട്ടിൽ യാത്ര ചെയ്യാൻ 161 രൂപയാണ് ടിക്കറ്റ് നിരക്ക്