ആരോഗ്യ പ്രവർത്തകർക്ക് ആദരമേകി ദുബായി; ഇനി ഗോൾഡൻ വിസ

കൊച്ചി: നിരവധി ആരോഗ്യ പ്രവർത്തകർക്ക് ആദരമേകി ദുബായി. കൊറോണ പ്രതിസന്ധിയിൽ രാജ്യത്ത് പ്രവർത്തിച്ച ആരോഗ്യ പ്രവർത്തകർക്ക് ഗോൾഡൻ വിസ അനുവദിച്ചു. 10 വർഷത്തെ വിസയാണിത്. പിന്നീട് പുതുക്കാം. യുഎഇ വൈസ് പ്രസിഡൻറും ദുബായി ഭരണാധികാരിയുമായ ഷെയ്ഖ് മുഹമ്മദ് ബിൻ റഷീദ് ആണ് പ്രഖ്യാപനം നടത്തിയത്.

ദുബായിലെ 212-ഓളം ഡോക്ട‍ര്‍മാര്‍ക്ക് പ്രയോജനം നൽകുന്നതാണ് നടപടി. മലയാളികൾ അടക്കമുള്ള ആരോഗ്യ പ്രവ‍ര്‍ത്തകര്‍ക്ക് ഇതിൻറെ പ്രയോജനം ലഭിയ്ക്കും. ദുബായ് ജനതയ്ക്ക് വേണ്ടി ആരോഗ്യ പ്രവ‍ര്‍ത്തകര്‍ നൽകിയ സേവനങ്ങൾക്കുള്ള നന്ദി സൂചകമായാണ് പ്രഖ്യാപനം.ആരോഗ്യ പ്രവ‍ര്‍ത്തക‍ര്‍ക്ക് വിസ ഫീസിനും ഇളവു നൽകും. ദുബായി ഹെൽത്ത് അതോറിറ്റിയുടെ പേരിൽ ആരോഗ്യ പ്രവർത്തകർക്ക് പ്രത്യേക നന്ദി രേഖപ്പെടുത്താനും ഭരണാധികരാരികൾ മറന്നില്ല.

Also Read: പ്രവാസികള്‍ക്ക് ആശ്വാസം; വിസ നിയമത്തില്‍ മാറ്റം വരുത്തി യുഎഇ

എന്താണ് ഗോൾഡൻ വിസ?

ദുബായിൽ കുടുംബ സമേതം 10 വ‍ര്‍ഷം താമസം അനുവദിയ്ക്കുന്നതാണ് ഗോൾഡൻ വിസ. പത്ത് വ‍ര്‍ഷത്തിലൊരിയ്ക്കൽ വിസ പുതുക്കാം. നിക്ഷേപകർക്കും ബിസിനസുകാർക്കും ഉൾപ്പെടെ വിവിധ മേഖലയിൽ പ്രാവീണ്യം തെളിയിച്ചവർക്കാണ് ഇതുവരെ രാജ്യത്ത് ഗോൾഡൻ വിസ അനുവദിച്ചിരുന്നത്.