കൊവിഡ് 19: ഉഗ്രൻ അൾ‍‍ട്രാ വയലറ്റ് അണുനശീകരണ സംവിധാനവുമായി ഒരു സ്റ്റാര്‍ട്ടപ്പ്

കൊച്ചി: കൊവിഡ് 19 വ്യാപിയ്ക്കുന്ന പശ്ചാത്തലത്തിൽ അൾട്രാ വൈലറ്റ് രശ്മികൾ ഉപയോഗിച്ച് അണുനശീകരണം നടത്താൻ യുവി-സി അണുനാശിനി സംവിധാനവുമായി ഒരു സ്റ്റാര്‍ട്ടപ്പ്. കൊച്ചി ആസ്ഥാനമായുള്ള ഐബിസ് മെഡിക്കൽ എക്യുപ്‌മെൻറ് ആൻറ് സിസ്റ്റംസ് പ്രൈവറ്റ് ലിമിറ്റഡ് ആണ് പുതിയ സംവിധാനം അവതരിപ്പിച്ചത്.

ഹോട്ടലുകൾ, ആശുപത്രികൾ, എയർപോർട്ട് ലോഞ്ചുകൾ, ഓഫീസുകൾ, വാണിജ്യ ഇടങ്ങൾ തുടങ്ങിയ നിയന്ത്രിത പരിതസ്ഥിതികളിൽ വൈറസുകളുടെയും ബാക്ടീരിയകളുടെയും ഡിഎൻഎയും ആർഎൻഎയും നിർജ്ജീവമാക്കുനിര്‍ജിവമാക്കുന്നതാണ് സംവിധാനം.

Also Read: ഇന്ത്യയ്ക്കായി ഡിജിറ്റൈസേഷൻ ഫണ്ടുമായി ഗൂഗിൾ; 75,000 കോടി രൂപ നിക്ഷേപിയ്ക്കും

ആശുപത്രികളിൽ നിന്നും അണുബാധകൾക്ക് കാരണമാകുന്ന വൈറസുകളെ ഈ ഉപകരണങ്ങൾക്ക് നശിപ്പിക്കാൻ കഴിയും, ഉപരിതലങ്ങളിൽ നിന്നും വായുവിൽ നിന്നും സാർസ് -കോവ് (SARS-CoV) സീരീസ് വൈറസ് അണുവിമുക്തമാക്കുന്നതിനു0 ആകുമെന്ന് മെന്ന് കമ്പനി അധികൃതര്‍ പറയുന്നു.

രാസ രീതികളുപയോഗിച്ച് ശുചിത്വം പാലിക്കാൻ കഴിയാത്ത ലബോറട്ടറികളും, ഓഫീസുകളും, ഇലക്ട്രോണിക് ഉപകരണങ്ങൾ, കമ്പ്യൂട്ടറുകൾ, മറ്റ് ഗാഡ്ജെറ്റുകൾ എന്നിവയുള്ള ഹൈടെക് മുറികളും അണുവിമുക്തമാക്കുന്നതിനും ഈ സംവിധാനംഉപയോഗിക്കാം.

_{Also Read: കൊറോണ; കോര്‍പ്പറേറ്റുകൾ കൂടുതൽ 'പാപ്പരാകും'}

200 ചതുരശ്ര അടി ശരാശരി വലുപ്പമുള്ള ഒരു മുറിയിൽ അണുനശീകരനത്തിന് വേണ്ടിവരുന്നസമയം അഞ്ച് മുതൽ 15 മിനിറ്റ് വരെയാണ്. സ്പെയിൻ, പനാമ, ഒമാൻ, യുഎഇ തുടങ്ങിയ രാജ്യങ്ങളിൽ നിന്ന് കമ്പനിയ്ക്ക് ഓര്‍ഡറുകൾ ലഭിയ്ക്കുന്നുണ്ട്