വെറും 20,000 രൂപ മുതൽമുടക്കിൽ നിന്ന് 6,000 കോടി രൂപയുടെ ബിസിനസ്. ഇന്ത്യയുടെ ഐസ്ക്രീം ലേഡി എന്നറിയപ്പെടുന്ന രജ്നി ബെക്ടറിൻെറ കഥ വ്യത്യസ്തമാണ്. ഇപ്പോൾ സേവനം നൽകുന്നത് മക്ഡൊണാൾഡ്സ്, പിസ ഹട്ട്, കെഎഫ്സി തുടങ്ങി വമ്പൻ കമ്പനികൾക്ക്.ചെറുസംരംഭത്തെ കോടിക്കണക്കിന് രൂപയുടെ സംരംഭമാക്കി വളർത്താൻ രജനിക്ക് മുതൽക്കൂട്ടായത് പാചകത്തോടുള്ള ഇഷ്ടമാണ്. മികച്ച ഗുണമേൻമയോടെ അത് ആവശ്യക്കാരിലെത്തിക്കാനുള്ള മനസും. ലുധിയാനയിലെ വീട്ടിൽ ഐസ്ക്രീം ഉണ്ടാക്കി വിറ്റായിരുന്നു രജ്നിയുടെ ബിസിനസ് തുടക്കം. പിന്നീട് ബിസ്‌ക്കറ്റുകളും മറ്റ് ഭക്ഷണ വസ്തുക്കളും ഉൾപ്പെടുത്തി ചെറു ബിസിനസ് ആരംഭിച്ചു.
ഉൽപ്പന്നങ്ങൾ പെട്ടെന്ന് ജനപ്രിയമായപ്പോൾ ഡിമാൻഡ് ഏറി. ക്രെമിക്ക എന്ന ബ്രാൻഡിലായിരുന്നു ആദ്യം ഐസ്ക്രീം നിർമാണം. പിന്നീട് മിസിസ് ബെക്‌ടേഴ്‌സ് ഫുഡ് സ്‌പെഷ്യാലിറ്റീസ് ലിമിറ്റഡ് എന്ന ഒരു കമ്പനി തന്നെ രൂപീകരിച്ചു. മക്ഡൊണാൾഡ്സിന് ബർഗർ നിർമാണത്തിനുള്ള ബൺ വിതരണം ചെയ്യാൻ തുടങ്ങിയത് കമ്പനിക്ക് നിർണായകമായി. ഈ വലിയ അവസരം ബെക്ടർ ശരിക്ക് ഉപയോഗിച്ചു. വിവിധ ഉൽപ്പന്നങ്ങൾക്കുള്ള ഡിമാൻഡ് മനസിലാക്കി ഗ്രേറ്റർ നോയിഡയിൽ ഒരു നിർമ്മാണ കേന്ദ്രം തുറക്കുകയായിരുന്നു.
ബാഗ് പാക്ക് ചെയ്തോളൂ.. ഏറ്റവും ചെലവുകുറഞ്ഞ വിമാന യാത്ര; നിരക്ക് 1,000 രൂപയിൽ താഴെ മാത്രംരാജ്യത്തുടനീളം നിരവധി ബേക്കറികൾ പിന്നീട് തുറന്നു. 2014- ഓടെ ഫാക്ടറികളുടെ എണ്ണം അഞ്ചായി. ടൊമാറ്റോ കെച്ചപ്പും മയോണൈസും എന്നു വേണ്ട ഫോസൺ ബേക്കറി ഉൽപ്പന്നങ്ങളും ജാമുകളും ഒക്കെ കമ്പനി പുറത്തിറക്കുന്നുണ്ട്. വെജ് മയോണൈസിൻെറ രാജ്യത്തെ ഏറ്റവും വലിയ ഉൽപ്പാദകരിൽ ഒന്നാണ്. ക്രെമിക്ക എന്ന പേരിൽ ഒരു ഫൂഡ് പാർക്ക് തന്നെ രൂപീകരിച്ചിട്ടുണ്ട്
2023 ലെ കണക്കനുസരിച്ച്, മിസിസ് ബെക്‌ടേഴ്‌സ് ഫുഡ് സ്‌പെഷ്യാലിറ്റീസ് ലിമിറ്റഡിൻ്റെ വിപണി മൂല്യം 6681 കോടി രൂപയാണ്. രാജ്യത്തെ എഫ്എംസിജി മേഖലയിലെ ഏറ്റവും വിജയകരമായ കമ്പനികളിലൊന്നാണിത്. ഉൽപ്പന്നങ്ങൾ രാജ്യത്തുടനീളം വിൽക്കുന്നുണ്ട്. കോർപ്പറേറ്റ് ലോകത്ത് വിജയിക്കണമെന്ന് ആഗ്രഹിക്കുന്ന ചെറു സംരംഭകർക്ക് ഏറെ പ്രചോദനമാണ് രജ്നി ബെക്ടറിൻെറ വിജയം.
