ഐഡിയ-വോഡാഫോണ്‍ ലയനം പൂര്‍ത്തിയായി

കോല്‍ക്കത്ത: വന്‍കിട മൊബൈല്‍ കമ്പനികളായ ഐഡിയയും വോഡാഫോണും ഒന്നായി. വോഡഫോണ്‍ ഐഡിയ ലിമിറ്റഡ് എന്ന പേരിലാണ് കമ്പനി അറിയപ്പെടുക. ലയനം പൂര്‍ത്തിയായതോടെ രാജ്യത്തെ ഏറ്റവും വലിയ ടെലികോം കമ്പനിയെന്ന റെക്കാര്‍ഡും എയര്‍ടെല്ലിനെ മറികടന്ന് "വോഡാഫോണ്‍ എെഡിയ ലിമിറ്റഡ്' സ്വന്തമാക്കി.

നേരത്തെ ഡിപ്പാര്‍ട്ട്‌മെന്റ് ഓഫ് ടെലികമ്മ്യൂണിക്കേഷന്‍സിൻ്റെ അനുമതി കമ്പനിക്ക് ലഭിച്ചിരുന്നു. എന്‍സിഎല്‍റ്റിയില്‍ നിന്നാണ് അവസാന സീല്‍ ലഭിക്കേണ്ടിയിരുന്നത്. കുമാര്‍ മംഗളം ബിര്‍ളയായിരിക്കും കമ്പനിയുടെ ചെയര്‍മാനെന്നും ബലേഷ് ശര്‍മയായിരിക്കും സിഇഒ എന്നും കമ്പനി സംയുക്ത പ്രസ്താവനയില്‍ അറിയിച്ചിട്ടുണ്ട്.

ഐഡിയ-വോഡഫോണ്‍ ബ്രാന്‍ഡുകള്‍ തുടരുമെന്നും പന്ത്രണ്ട് പേരെ ഉള്‍പ്പെടുത്തി പുതിയ ഡയറക്ടര്‍ ബോര്‍ഡ് രൂപീകരിച്ചിട്ടുണ്ടെന്നും പ്രസ്താവനയില്‍ വ്യക്തമാക്കിയിട്ടുണ്ട്