കൊവിഡ് 19-തുടച്ചു നീക്കാൻ കൂടുതൽ സഹായം അഭ്യർത്ഥിച്ച് ഇന്ത്യ

കൊച്ചി: കൊവിഡ് 19 രാജ്യത്ത് നിന്ന് തുടച്ചു നീക്കാൻ കൂടുതൽ സഹായം ആവശ്യപ്പെടുകയാണ് ഇന്ത്യ. 600 കോടി ഡോളറാണ് ഇന്ത്യ സഹായം അഭ്യ‍ര്‍ത്ഥിച്ചിരിയ്ക്കുന്നത്. ഏഷ്യൻ ഡെവലപ്മെൻറ് ബാങ്കിനോട് ഉൾപ്പെടെ ഇന്ത്യ സഹായം അഭ്യ‍ര്‍ത്ഥിച്ചിട്ടുണ്ട്.

കൊറോണ വൈറസ് ബാധിത‍ര്‍ രാജ്യത്ത് വ‍ര്‍ധിച്ചതോടെ ഇന്ത്യയ്ക്ക് 100 കോടി ഡോളറിൻറെ അടിയന്തര സഹായം നൽകുമെന്ന് ലോക ബാങ്ക് അറിയിച്ചിരുന്നു. ഇത് കൂടാതെയാണ് 600 കോടി ഡോള‍ര്‍ കൂടെ ഇന്ത്യ ആവശ്യപ്പെട്ടിരിയ്ക്കുന്നത് എന്നാണ് സൂചന.

Also Read: കൊറോണ; ലോകത്തിന് ചെലവ് 4.1 ലക്ഷം കോടി ഡോളറിലേറെ

ആരോഗ്യ മേഖലയിൽ മാത്രമല്ല സാമ്പത്തിക മേഖലയിലും കൊറോണ വലിയ പ്രത്യാഘാതങ്ങൾ ഉണ്ടാക്കുമെന്ന് ലോകബാങ്ക് ഇന്ത്യ ഡയറക്ടര്‍ ജുനൈദ് അഹമ്മദ് വ്യക്തമാക്കിയിരുന്നു.
ഏഷ്യൻ ഡെവലപ്മെൻറ് ബാങ്കിന് പുറമേ ഏഷ്യൻ ഇൻഫ്രാസ്ട്രക്ചർ ഇൻവെസ്റ്റ്മെൻറ് ബാങ്കിനോടും സഹായം അഭ്യർത്ഥിച്ചിട്ടുണ്ടെന്നാണ് സൂചന.

Also Read: കൊറോണ; ഇന്ത്യയ്ക്ക് 100 കോടി ഡോളറിൻറെ സഹായം അനുവദിച്ച് ലോക ബാങ്ക്