2020 പകുതിയോടെ എണ്ണ ഇറക്കുമതിയിൽ ഇന്ത്യ ചൈനയെ മറികടക്കും

ന്യൂഡൽഹി: ഇന്ത്യയുടെ എണ്ണ ഇറക്കുമതി കുതിച്ചുയരുന്നു. 2020 പകുതിയോടെ എണ്ണ ഇറക്കുമതിയിൽ ഇന്ത്യ ചൈനയെ മറികടക്കും എന്ന് റിപ്പോർട്ട്. ചൈനയുടെ എണ്ണ ആവശ്യകത നേരിയ തോതിൽ കുറഞ്ഞേക്കും എന്നാണ് സൂചന. ഇതോടെ എണ്ണ ഇറക്കുമതിയിൽ മൂന്നാം സ്ഥാനത്തുള്ള ഇന്ത്യ യുഎസിനു ശേഷം രണ്ടാം സ്ഥാനത്തേക്ക് എത്തും.

2024-ഓടെ ഇന്ത്യയുടെ എണ്ണ ഉപഭോഗം പ്രതിദിനം 60 ലക്ഷം ബാരലുകളായി മാറും. 2017-ൽ 44 ലക്ഷം ബാരലുകളായിരുന്നു. അതേസമയം ആഭ്യന്തര ഉത്പാദനത്തിൽ വ‍ര്‍ധന ഇല്ല.
ക്രൂഡ് ഓയിൽ ഇറക്കുമതിയ്ക്ക് ഇന്ത്യ വളരെ വില കൊടുക്കേണ്ടി വരും എന്ന് സാരം. മിഡിൽ ഈസ്റ്റിൽ നിന്നുള്ള എണ്ണ ഇറക്കുമതി അത്ര എളുപ്പമാകില്ല എന്നും സൂചനകളുണ്ട്. രാഷ്ട്രീയ അനിശ്ചിതത്വങ്ങളുൾപ്പെടെ എണ്ണ വിതരണം തടസപ്പെടുത്തിയേക്കാം എന്നതാണ് ഒരു കാരണം.

Also Read: ആഗസ്റ്റിലെ ക്രൂഡ് ഓയില്‍ ഇറക്കുമതിയില്‍ വര്‍ധന

Also Read: സ്വ‍ര്‍ണ വിലയ്ക്ക് പിന്നാലെ ക്രൂഡ് ഓയിൽ വിലയും ഉയരുന്നു

മിഡിൽ ഈസ്റ്റിലെ പ്രതിസന്ധികളേ തുടര്‍ന്ന് അസംസ്കൃത എണ്ണവില ബാരലിന് 70 ഡോളറിൽ അധികമായി കുതിയ്ക്കുന്നത് ഇന്ത്യയെ പോലുള്ള വിപണികൾക്ക് കടുത്ത സമ്മ‍ര്‍ദ്ധമാണ് സൃഷ്ടിയ്ക്കുന്നത്. മറ്റ് ഏഷ്യൻ രാജ്യങ്ങളേക്കാൾ എണ്ണ ഇറക്കുമതിയ്ക്കായി ഇന്ത്യ ഏറ്റവും കൂടുതൽ ആശ്രയിക്കുന്നത് മിഡിൽ ഈസ്റ്റ് രാജ്യങ്ങളെയാണ്. ഇറാഖിൽ നിന്നാണ് ഏറ്റവുമധികം ക്രൂഡ് ഇറക്കുമതി നടക്കുന്നത്. ഇന്ത്യയുടെ എണ്ണ ആവശ്യകതയുടെ 80 ശതമാനവും ഇപ്പോൾ ഇറക്കുമതിയാണ്.