ഐടി മേഖലയിൽ ഇത് ഡിസ്റപ്ഷൻറെ കാലമാണെങ്കിലും അവസരങ്ങളുമുണ്ട്

മുംബൈ: കൊറോണ ദോഷകരമായി ബാധിച്ചിരിയ്ക്കുന്ന മേഖലകളിൽ ഒന്നാണ് ഐടി. ഐടി രംഗത്ത് ഇത് വലിയൊരു ഡിസ്റപ്ഷൻറെ കാലമാണെന്നും എന്നാൽ അവസരങ്ങളും ഒളിച്ചിരിപ്പുണ്ടെന്നും ഐടി കമ്പനികളുടെ സംഘടനായായ നാസ്കോമിൻറെ ചെയ‍ര്‍മാൻ പ്രവീൺ റാവു. ഇൻഫോസിസ് ചീഫ് ഓപ്പറേറ്റിങ് ഓഫീസ‍ർ കൂടെയാണ് അദ്ദേഹം.

''19,100 കോടി ഡോളറിൻറെ വരുമാനമുള്ള മേഖലയാണ് ഇന്ത്യൻ ഐടി രംഗം. എന്നാൽ കൊറോണ ഐടി മേഖലയിലെ എല്ലാ രംഗങ്ങളെയും സാരമായി ബാധിച്ചിരിക്കുകയാണ്.
ഒരിയ്ക്കൽ കൊറോണ വൈറസിനെ തടഞ്ഞു നി‍ര്‍ത്താനായാൽ ഈ മേഖല തിരിച്ചു കയറും. അതേസമയം ചെറിയ കമ്പനികൾക്ക് നഷ്ടം തികത്താൻ വീണ്ടും കുറേ വ‍ര്‍ഷങ്ങൾ വേണ്ടി വന്നേക്കും.'' പ്രവീൺ റാവു പറയുന്നു.

Also Read: കൊറോണ; ഈ മരുന്നു കൊണ്ട് ഇന്ത്യ ലോകത്തെ രക്ഷിയ്ക്കുമോ?

ഇന്ത്യൻ ഐടിമേഖലയെ സംബന്ധിച്ചിടത്തോളം ഏറ്റവും വെല്ലുവിളി നിറഞ്ഞ സമയമാണിത്. സോഫ്റ്റ്വേര്‍ ഇറക്കുമതി, കയറ്റുമതി രംഗങ്ങൾ എല്ലാം പ്രതിസന്ധിയിൽ ആണ്. എന്നാൽ ഈ വെല്ലുവിളികൾക്കിടയിലും സാധ്യതയുമുണ്ട്.

Also Read: ചെറുകിട ഇടത്തരം സംരംഭകർക്കായി രണ്ടാം സാമ്പത്തിക പാക്കേജ് ഉടൻ

വ‍ര്‍ക്ക് ഫ്രമ്മിലൂടെ തൊഴിൽ ഇടങ്ങളെ ഡിജിറ്റൽ ആക്കാൻ കഴിഞ്ഞതാണ് പ്രധാന നേട്ടങ്ങളിൽ ഒന്ന്. വെ‍ര്‍ച്വൽ തൊഴിൽ ഇടങ്ങൾ കമ്പനിയുടെ പ്രവര്‍ത്തനച്ചെലവുകൾ കുറയ്ക്കുന്നുണ്ട്. ചുരുങ്ങിയ കാലത്തേയ്ക്ക് മാത്രമല്ല ഭാവിയിൽ ടെക്നോളജി കമ്പനികൾ വ‍ര്‍ക്ക് ഫ്രം ഹോം സജീവമാക്കാനുള്ള സാധ്യതയുണ്ട്. ഇത് വിജയകരമായി പരീക്ഷിയ്ക്കാൻ ഈ ഐടി കാലത്ത് കഴിഞ്ഞു.