ബിസ്കറ്റ് ഭീമന്‍ പാര്‍ലേ ജിയുടെ ഫാക്ടറി പൂട്ടി

ബിസ്കറ്റ് ഭീമന്‍ 'പാര്‍ലേ ജി'യുടെ ഫാക്ടറി പൂട്ടി. മുംബൈയില്‍ പാര്‍ലേ ജി തുടങ്ങിയ ആദ്യത്തെ ഫാക്ടറിയാണ് പൂട്ടിയത്. മുംബൈയിലെ വിലേ പാര്‍ലേ എന്ന സ്ഥലത്താണ് കമ്പനി പ്രവര്‍ത്തനം തുടങ്ങിയത്.

1929 ല്‍ ആണ് വിലെ പാര്‍ലേയില്‍ ആദ്യ ഫാക്ടറി തുടങ്ങിയത്. 300 ജീവനക്കാര്‍ ആണ് ഈ ഫാക്ടറിയില്‍ ജോലി ചെയ്തിരുന്നത്. ഇവരെല്ലാം തന്നെ സ്വയം വിരമിച്ചിരുന്നു. പ്രവര്‍ത്തന ക്ഷമം അല്ലാത്തതുകൊണ്ടാണ് പഴയ ഫാക്ടറി പൂട്ടിയത് എന്ന് മാത്രം. പ്രതിദിനം നാല്‍പത് കോടി ബിസ്കറ്റുകളാണ് പാര്‍ലേ ജിയുടെ വിവധ ഫാക്ടറികളിലായി ഉത്പാദിപ്പിയ്ക്കപ്പെടുന്നത്. പാര്‍ലേ ഗ്ലൂക്കോ എന്ന പേരിലായിരുന്നു ആദ്യം ബിസ്കറ്റ് പുറത്തിറങ്ങിയിരുന്നത്. എന്നാല്‍ 1980 ല്‍ ആണ് പേര് പാര്‍ലേ ജി എന്നാക്കി മാറ്റിയത്.