ആപ്പ്ജില്ല

ദേഹത്ത് ഘടിപ്പിയ്ക്കാവുന്ന ഇലക്ട്രോണിക് ഉപകരണങ്ങൾ; വിപണി കുതിയ്ക്കുന്നു

വാച്ചുകൾ സമയം നോക്കാൻ മാത്രമല്ല, ഗെയിം കളിയ്ക്കാനും, മെസേജ് അയക്കാനും കോൾ എടുക്കാനും ലൈവ് സ്ട്രീമിങ്ങിനും ഫിറ്റ്നസ് ട്രാക്ക് ചെയ്യുന്നതിനും ഒക്കെ ഉപയോഗിയ്ക്കാം. ഇത്തരം സ്മാര്‍ട്ട് വാച്ചുകളുടെ വിൽപ്പന ഉയരുന്നു

Samayam Malayalam 27 Nov 2020, 1:07 pm
കൊച്ചി: സ്മാര്‍ട്ട് ഫിറ്റ്നസ് ബാൻഡുകൾ, ഗൂഗിൾ ഗ്ലാസ്, ഇലക്ട്രോണിക് ചിപ്പുകൾ, സ്മാര്‍ട്ട് വാച്ചുകൾ തുടങ്ങി സ്മാര്‍ട്ട് വെയറബിളുകളുടെ വിപണി കുതിയ്ക്കുകയാണ്. ഷവോമി, വാവേ, ഫിറ്റ്ബിറ്റ് തുടങ്ങിയ നിരവധി കമ്പനികൾ രാജ്യത്ത് സ്മാർട്ട് വെയറബിൾ ഉത്പന്നങ്ങൾ വിറ്റഴിക്കുന്നുണ്ട്. സ്മാർട്ട് വാച്ചുകൾ, സ്പോർട്‌സ് ഫാഷൻ വെയറബിൾ, ഹിയറബിൾ, ഓഗ്മെന്റഡ് റിയാലിറ്റി വെയറബിൾ തുടങ്ങി നിരവധി ഉത്പന്നങ്ങൾ ആണ് സ്മാര്‍ട്ട് വെയറുകളുടെ വിപണിയിലുള്ളത്.
Samayam Malayalam Smart Wearables
സ്മാര്‍ട്ട് വെയറബിൾസ്


സ്മാര്‍ട്ട് വെയറബിൾസിൽ ഇയര്‍ വെയറബിളും സ്മാര്‍ട്ട് വാച്ചുകളും ഉൾപ്പെടെ കൂടുതൽ വിറ്റഴിയുന്നുണ്ട്. ഫിറ്റ്‌നസ് ട്രാക്കറുകൾ കൂടെയുള്ള സ്മാര്‍ട്ട് വാച്ചുകൾ ഫോൺ വിളിക്കുന്നതിനും സന്ദേശങ്ങൾ അയയ്ക്കുന്നതിനും ജി.പി.എസ്. ഉപയോഗിച്ച് വഴി കണ്ടുപിടിയ്ക്കുന്നതിനുമെല്ലാം ഉപയോഗിയ്ക്കാം. 5,000 രൂപ മുതൽ ഹെെഡെഫിനിഷൻ സ്മാര്‍ട്ട് വാച്ചുകൾ ലഭ്യമാകും ഇൻറര്‍നെറ്റ് കണക്ടിവിറ്റിയിലൂടെ സ്ട്രീമിങ്, മെസേജ് അയക്കൽ, മ്യൂസിക് കേൾക്കൽ തുടങ്ങി എല്ലാ വിനോദങ്ങളും ലഭ്യമാകും. ആപ്പിൾ സ്മാര്‍ട്ട് വാച്ചുകൾ തന്നെയാണ് ഏറ്റവും ശ്രദ്ധേയം.

Also Read: വഴിയോരക്കച്ചവടത്തിൽ നിന്ന് സ്വന്തം ബ്രാൻഡിൽ ഒരു ബിസിനസ്; ഇപ്പോൾ വിറ്റുവരവ് 60 കോടി രൂപ

ഇന്ത്യയിലെ സ്മാര്‍ട്ട് വെയറബിളുകളുടെ വിപണി പ്രതിവര്‍ഷം 165.1 ശതമാനം വളര്‍ച്ചയാണ് കൈവരിച്ചു കൊണ്ടിരിയ്ക്കുന്നത്. 1.18 കോടി യൂണിറ്റ് ഉത്പന്നങ്ങൾ ആണ് മൂന്ന് മാസം കൊണ്ടുമാത്രം കയറ്റുമതി ചെയ്തത്. മാര്‍ക്കറ്റ് ട്രാക്കര്‍ ഫേം ഐഡിസിയുടേതാണ് കണ്ടെത്തൽ. വയര്‍ലെസ് ഇയര്‍ ഫോണുകളുടെയും മറ്റും വിൽപ്പന ഇപ്പോൾ കുതിയ്ക്കുന്നുണ്ട്. ഇത്തരം ഡിവൈസുകളുടെ ഡിമാൻഡ് 260.5 ശതമാനം പ്രതിവര്‍ഷ വര്‍ധനയുണ്ട്. ഇയര്‍വിയര്‍, റിസ്റ്റ് ബാൻഡ്, വാച്ച് തുടങ്ങിയ ഉത്പന്നങ്ങളാണ് വിപണിയിൽ പ്രധാനമായും വിറ്റഴിയ്ക്കുന്നത്.

വയര്‍ലെസ് സ്റ്റീരിയോ ഉത്പന്നങ്ങൾക്ക് 723 ശതമാനം വളര്‍ച്ചയുണ്ട്. ഷവോമി, റിയൽ മി എന്നീ ഉത്പന്നങ്ങൾ എല്ലാം ഇങ്ങനെ കൂടുതലായി വിറ്റഴിയുന്നുണ്ട്. സ്മാര്‍ട്ട് വാച്ചുകൾ 119.9 ശതനമാനം ആണ് വളരുന്നത്. 778,000 യൂണിറ്റുകളുടേതായിരുന്നു കയറ്റുമതി. റിസ്റ്റ്ബാൻഡുകൾക്കുമുണ്ട് വളര്‍ച്ച. 20 ശതമാനമാണ് വിപണി വളര്‍ച്ച. ഷവോമിയാണ് ഒന്നാം സ്ഥാനത്ത്. റിയൽമി രണ്ടാം സ്ഥാനത്തും

ആര്‍ട്ടിക്കിള്‍ ഷോ

ട്രെൻഡിങ്