ഇന്‍ഡിഗോ എയര്‍ലൈന്‍സിൽ 868 രൂപയ്ക്ക് പറക്കാം

ചെലവ് കുറഞ്ഞ ആകാശയാത്രയൊരുക്കി ഇന്‍ഡിഗോ എയര്‍ലൈന്‍സ്. എല്ലാ ചെലവുകളും ഉൾപ്പെടുത്തി 868 രൂപയ്ക്കാണ് പുതിയ ഓഫര്‍ . നവംബര്‍ എട്ടിന് ബുക്ക് ചെയ്യുന്ന ടിക്കറ്റുകൾക്ക് മാത്രമാണ് ഓഫര്‍ ബാധകം . അടുത്ത വര്‍ഷം ജനുവരി 11 മുതല്‍ ഏപ്രില്‍ 11 വരെ മൂന്ന് മാസമാണ് യാത്ര ചെയ്യാനുള്ള കാലാവധി. ജമ്മു, ശ്രീനഗര്‍ റൂട്ടിലാണ് ഒാഫര്‍ ലഭിക്കുക. എന്നാല്‍ എത്ര സീറ്റുകള്‍ ആദ്യം ബുക്ക് ചെയ്യമെന്ന് കമ്പനി വ്യക്തമാക്കിയില്ല.

ഗോഎയറും തങ്ങളുടെ പതിനൊന്നാം വാര്‍ഷികത്തോട് അനുബന്ധിച്ച്‌ കുറഞ്ഞ യാത്രാ നിരക്കുകള്‍ പ്രഖ്യാപിച്ചിട്ടുണ്ട്. 611 മുതലാണ് ഓഫര്‍ തുക ആരംഭിക്കുന്നത്. ഈ മാസം എട്ടുവരെ മാത്രമാണ് ടിക്കറ്റ് ബുക്ക് ചെയ്യാന്‍ സാധിക്കുക.