മൊബൈൽ ആപ്പിലൂടെ ഇനി കറൻറ് അക്കൗണ്ട് തുടങ്ങാം

കൊച്ചി: ഇനി കറൻറ് അക്കൗണ്ടുകള്‍ തുറക്കുന്നതിന് ബാങ്ക് ശാഖകൾ സന്ദർശിയ്ക്കേണ്ടത് ഇല്ല.
സ്വയം തൊഴില്‍ ചെയ്യുന്ന വ്യക്തികള്‍ക്കും ബിസിനസുകാര്‍ക്കും മൊബൈല്‍ ആപ്പിലൂടെ ഡിജിറ്റലായി അക്കൗണ്ടുകള്‍ തുടങ്ങാം. ഇന്‍ഡസ്ഇന്‍ഡ് ബാങ്ക് ആണ് ഇതിനുള്ള സംവിധാനം അവതരിപ്പിച്ചത്.

ബാങ്കിൻെറ അത്യാധുനിക 'ഇന്‍ഡസ് കോര്‍പറേറ്റ്' മൊബൈല്‍ ആപ്പിന്റെ പിന്തുണയോടെ ബാങ്ക് ഉദ്യോഗസ്ഥര്‍ക്ക് ഉപഭോക്താക്കളുടെയും ബിസിനസിൻറെയും വിവരങ്ങള്‍ ഇനി സൗകര്യപ്രദമായും സുരക്ഷിതമായും പരിശോധിക്കാം. ഇതോടെ ഉപഭോക്താക്കള്‍ക്ക് വേഗത്തില്‍ തടസമില്ലാതെ അക്കൗണ്ട് തുറന്ന് ഇടപാടുകള്‍ ആരംഭിക്കാം.

Also Read: അഞ്ചു ചോദ്യങ്ങൾക്ക് ഉത്തരം അയക്കൂ; ഭാഗ്യശാലിയ്ക്ക് ആമസോൺ പേ തരും 20,000 രൂപ

ബഹുമുഖ ആപ്ലിക്കേഷന്‍ പ്രോഗ്രാം ഇന്റര്‍ഫേസാണ് ആപ്പ് ഉപയോഗിക്കുന്നത്. ഇത് കെവൈസി രേഖകളുടെ സുരക്ഷിതമായ പരിശോധനയ്ക്കും സഹായകരമാണ്. ജിഎസ്ടി, കോര്‍പറേറ്റ് മന്ത്രാലയം, നാഷണല്‍ സെക്യൂരിറ്റീസ് ഡെപോസിറ്ററി ലിമിറ്റഡ്, ഇറക്കുമതി-കയറ്റുമതി കോഡ്, ആധാര്‍ തുടങ്ങിയ സര്‍ക്കാര്‍ പ്ലാറ്റ്‌ഫോമുകള്‍ ഇതിനായി ഉപയോഗിക്കാം. പ്രൊപ്രൈറ്റര്‍ഷിപ്പ്, പാര്‍ട്‌നര്‍ഷിപ്പ്, പ്രൈവറ്റ്/പബ്‌ളിക്ക് ലിമിറ്റഡ് കമ്പനികള്‍ തുടങ്ങിയ ഏതു തരം ബിസിനസുകള്‍ക്കും ഈ സൗകര്യത്തിലൂടെ കറണ്ട് അക്കൗണ്ട് തുറക്കാനാകും.