കൊച്ചി: ആരോഗ്യ ഇന്‍ഷുറന്‍സ് എടുത്തതിനു ശേഷം ഉള്ള ആദ്യ മൂന്ന് മാസങ്ങളില്‍ ഉണ്ടാകുന്ന രോഗങ്ങള്‍ ഇനി ഇന്‍ഷുറന്‍സ് പരിധിയില്‍ വന്നേക്കില്ല എന്നു സൂചന.ആരോഗ്യ ഇന്‍ഷുറന്‍സ് പോളിസികളില്‍ ഇന്‍ഷുറന്‍സ് റെഗുലേറ്ററി ഡെവലപ്മെന്‍റ് അതോറിറ്റി (ഐ.ആര്‍.ഡി.ഐ) കൂടുതല്‍ മാറ്റങ്ങള്‍ കൊണ്ടുവരുന്നതിന്‍റെ ഭാഗമായാണ് ഇത്. പോളിസികളിലെ പ്രീ എക്സിസ്റ്റിങ് രോഗങ്ങളുടെ നിർവചനങ്ങളിലും നിബന്ധനകളിലും മാറ്റങ്ങൾ കൊണ്ടു വരുന്നതാണു കാരണം.2019 ഒകടോബര്‍ 1 മുതലാണ് ഇതിന് പ്രാബല്ല്യം.
സാധാരണയായി പോളിസി എടുക്കുമ്പോള്‍ ഉള്ള രോഗങ്ങള്‍, മുറിവുകള്‍ എന്നിവയൊന്നും ആരോഗ്യ ഇന്‍ഷുറന്‍സ് പോളിസിയുടെ പരിധിയില്‍ വരാറില്ല. ഈ ഗണത്തിലെ പ്രീ എക്സ്സിറ്റിങ് ഡിസീസുകളുടെ പരിധിയിലേക്കാണ് ഇനി പോളിസി എടുത്തതിനു ശേഷമുള്ള ആദ്യ മൂന്നു മാസങ്ങളില്‍ ഉണ്ടാകുന്ന രോഗങ്ങളെയും ഉള്‍പ്പെടുത്തുന്നത്.
അതുപോലെ ഇപ്പോള്‍ ആരോഗ്യ ഇന്‍ഷുറന്‍സ് പരിധിയില്‍ ഉള്‍പ്പെടുത്തിയിട്ടില്ലാത്ത പല രോഗങ്ങള്‍ക്കും ഇന്‍ഷുറന്‍സ് കമ്പനികൾ ഇനി മുതൽ കവറേജ് ഏർപ്പെടുത്തേണ്ടതായി വരും. അതേസമയം പോളിസി വാങ്ങി മൂന്ന് മാസങ്ങൾക്കുള്ളിലാണ് രോഗ നിർണയം നടത്തുന്നതെങ്കിൽ പോളിസി തുകക്ലെയിം ചെയ്യാനാകില്ല.
Also Read:മെഡിക്കല്‍ ഇന്‍ഷുറന്‍സ് എടുക്കും മുമ്പ്