കോഗ്നിസെന്റ് കൊച്ചിയിൽ 200 ഒാളം പേരെ പിരിച്ചുവിട്ടു

കൊച്ചി: അമേരിക്കന്‍ ഐ.ടി. കമ്പനി കോഗ്നിസെന്റ് 10,000 ജീവനക്കാരെ ഒഴിവാക്കുന്നു. ആദ്യ ഘട്ടത്തില്‍ 5000 പേരെ കമ്പനി ഒഴിവാക്കിയിരുന്നു. രണ്ടാം ഘട്ടം ഒഴിവാക്കല്‍ അരംഭിച്ചപ്പോള്‍ കഴിഞ്ഞ ആഴ്ച്ചയില്‍ എറണാകുളം ഇന്‍ഫോപാര്‍ക്കിലുള്ള ക്യാംപസില്‍ തൊഴില്‍ നഷ്ടപ്പെട്ടത് 200 ഓളം പേര്‍ക്കാണ്.

ജോലിയിൽ മികവ് കാണിക്കുന്നില്ലന്നാരോപിച്ചാണ് കമ്പനി ജീവനക്കാരോട് നിര്‍ബന്ധമായി രാജി ആവശ്യപ്പെടുന്നത്. ജോലി രാജി വെയ്ക്കുന്നവര്‍ക്ക് കമ്പനി നല്‍കുന്നത് നാല് മാസത്തെ ശമ്പളമാണ്.

സി.ടി.എസിലെ പ്രോഗ്രാം അസോസിയേറ്റ്, അനലിസ്റ്റ് വിഭാഗത്തില്‍പ്പെടുന്ന ആളുകളെയാണ് കമ്പനി ഒഴിവാക്കുന്നത്. ഫോര്‍ത്ത് ബക്കറ്റ് എന്ന ഗ്രേഡിലാക്കി പ്രോജക്ടുകള്‍ നല്‍കാതെയാണ് ജീവനക്കാരെ ഒഴിവാക്കുന്നത്.

ആഗോള അടിസ്ഥാനത്തില്‍ കമ്പനിക്ക് വലിയ പ്രോജക്ടുകള്‍ നഷ്ടപ്പെട്ടതിന്റെ ഭാഗമായാണ് സി.ടി.എസ് തൊഴിലാളികളുടെ എണ്ണം വെട്ടിക്കുറയ്ക്കുന്നത്. 10,000 ജീവനക്കാരെ ഒഴിവാക്കുന്നുവെന്ന പ്രഖ്യാപനം വന്നതിന് പിന്നാലെ സ്വന്തം ടീമില്‍നിന്ന് രണ്ടു പേരെ എങ്കിലും ഒഴിവാക്കണമെന്ന നിര്‍ദ്ദേശം മാനേജ്മെന്റിന്റെ ഭാഗത്ത്നിന്നും മാനേജര്‍മാക്ക് ലഭിച്ചിരുന്നു.
ഇതിന്റെ അടിസ്ഥാനത്തില്‍ മാനേജര്‍മാര്‍ നിര്‍ദ്ദേശിക്കുന്ന ആളുകളെയാണ് എച്ച്‌.ആര്‍. വിഭാഗം രാജിവെയ്പ്പിക്കുന്നത്.

it woes: cognizant may slash more than 200 jobs in kochi

US-listed IT major Cognizant Technology Solutions, which has a significant workforce in India, is said to be reducing its employee count by as much as five per cent.