കൊച്ചി: എട്ടുകിലോ തൂക്കം വരുന്ന ഒരു ചക്കയ്ക്ക് വില 86,501, എന്താ ഞെട്ടിയോ? ഞെട്ടിയെങ്കിൽ 20 ശതമാനം ഡിസ്കൌണ്ടിൽ 69,201 രൂപയ്ക്ക് തരാം. എന്താ എടുക്കുന്നോ? എന്നാരെങ്കിലും ചോദിച്ചാൽ ഇവരുടെ തലയ്ക്ക് കിറുക്കാണോ എന്നായിരിക്കുമല്ലേ ചിന്ത. ഓൺലൈൻ കമ്പോള സൈറ്റായ ആമസോണാണ് ചക്ക പൊള്ളും വിലയ്ക്ക് വിൽക്കാനെത്തിച്ചിരിക്കുന്നത്. മലയാളികളിൽ ഭൂരിഭാഗം ആളുകൾക്കും ചക്കയെന്നുകേട്ടാൽ നാവിൽ വെള്ളമൂറും. ചക്കപ്രിയരെ ഉദ്ദേശിച്ചാകണം ആമസോൺ ചക്ക വിൽപ്പനയ്ക്കെത്തിച്ചിരിക്കുന്നത്. മുഴുവൻ ചക്കയ്ക്ക് തീപാറും വിലയാണെങ്കിൽ അഞ്ച് ചുള ഇരിഞ്ഞു വാങ്ങാനുള്ള സാധ്യതയും ആമസോൺ നൽകുന്നുണ്ട്. അഞ്ച് ചുളയുടെ വിലകേട്ടാൽ ഞെട്ടരുത്. വെറും 199 രൂപ.
നേരത്തെ ആമസോൺ ചിരട്ട വിപണിയിലെത്തിച്ചിരുന്നു. അന്ന് 3000 രൂപയായിരുന്നു ഒരു മുറി ചിരട്ടയുടെ വില. ഇന്നിപ്പോൾ അത് 750 കുറക്കാനുള്ള മനസ് ആമസോൺ കാണിച്ചിട്ടുണ്ട്. ഇതൊന്നും പോരാതെ മാവിലയുമുണ്ട് വിൽപ്പനയ്ക്ക്. 166 രൂപയാണ് വില.
നേരത്തെ ആമസോൺ ചിരട്ട വിപണിയിലെത്തിച്ചിരുന്നു. അന്ന് 3000 രൂപയായിരുന്നു ഒരു മുറി ചിരട്ടയുടെ വില. ഇന്നിപ്പോൾ അത് 750 കുറക്കാനുള്ള മനസ് ആമസോൺ കാണിച്ചിട്ടുണ്ട്. ഇതൊന്നും പോരാതെ മാവിലയുമുണ്ട് വിൽപ്പനയ്ക്ക്. 166 രൂപയാണ് വില.