399 രൂപയ്ക്ക് പരിധിയില്ലാത്ത ഇന്റർനെറ്റുമായി ജിയോ; സെറ്റ് ടോപ് ബോക്സും റൗട്ടറും സൗജന്യം

കേരളത്തിലെ സാന്നിധ്യം ശക്തമാക്കി അതിവേഗ ബ്രോഡ്‌ബാൻഡ് സേവനമായ ജിയോ ഫൈബർ. സംസ്ഥാനത്തെ 33 പ്രധാന നഗരങ്ങളിലും പട്ടണങ്ങളിലും ഇപ്പോൾ സേവനം ലഭ്യമാണെന്ന് അ‌ധികൃതർ വ്യക്തമാക്കി. കൊച്ചി, തിരുവനന്തപുരം, കോഴിക്കോട്, തൃശൂർ തുടങ്ങിയ പ്രധാന നഗരങ്ങൾക്ക് പുറമെ ആലപ്പുഴ, അങ്കമാലി, ചങ്ങനാശ്ശേരി, ഗുരുവായൂർ, ഇരിഞ്ഞാലക്കുട, കാഞ്ഞങ്ങാട്, കണ്ണൂർ, കാസർഗോഡ്, കായംകുളം, കൊടുങ്ങലൂർ, കൊല്ലം, കൊണ്ടോട്ടി, കോട്ടയം, കുന്നംകുളം, കുന്നത്തുനാട്, മാഹീ, മലപ്പുറം, മഞ്ചേരി, മാവേലിക്കര, മൂവാറ്റുപുഴ, നെടുമങ്ങാട്, നെയ്യാറ്റിൻകര, പാലക്കാട്, പയ്യന്നൂർ, പെരിന്തൽമന്ന, കൊയിലാണ്ടി, തലശ്ശേരി, തീരുർ, തിരുവല്ല എന്നിവടങ്ങളിലാണ്ലും സേവനങ്ങൾ ലഭിക്കുക.

Also Read: വരുത്തിയത് ഒരു ചെറിയ മാറ്റം; മലയാളി കര്‍ഷകയുടെ വരുമാനം 30 ലക്ഷം!

ഈ വർഷം അവസാനത്തോടെ 60 നഗരങ്ങളിലേക്ക് കൂടി ജിയോ ഫൈബർ സേവനം വ്യാപിക്കാൻ കമ്പനി പദ്ധതിയിടുന്നു. നിലവിൽ കേരളത്തിൽ 1.8 ലക്ഷത്തിലധികം ഉപഭോക്താക്കളാണ് ജിയോ ഫൈബർ സേവനം ഉപയോഗിക്കുന്നത്. കുടുംബങ്ങൾ മുതൽ ചെറുകിട, വൻകിട സംരംഭങ്ങൾ, വിവിധ മേഖലകളിലെ പ്രൊഫഷണലുകൾ വരെ സേവനം ഉപയോഗിക്കുന്നുണ്ട്. പരിധിയില്ലാത്ത വിനോദം, വാർത്തകൾ, ആരോഗ്യം, വിദ്യാഭ്യാസം തുടങ്ങിയ പ്ലാറ്റ്‌ഫോമുകളിലേക്കുള്ള ആക്‌സസും ജിയോ ഫൈബർ ഉറപ്പാക്കുന്നു.

Also Read: സേവിങ്‌സ് അക്കൗണ്ട്, ചെക്ക് നിയമങ്ങളില്‍ മാറ്റവുമായി പൊതുമേഖലാ ബാങ്ക്; അറിയേണ്ട കാര്യങ്ങള്‍

പുതിയ പോസ്റ്റ് പെയ്ഡ് കണക്ഷനോടൊപ്പം ഇപ്പോൾ ജിയോ സൗജന്യമായി സെറ്റ് ടോപ്പ് ബോക്സും റൗട്ടറും നൽകുന്നുണ്ട്. ഇൻസ്റ്റാളേഷനും സൗജന്യമാണ്. 399 രൂപ മുതൽ തുടങ്ങുന്ന അൺലിമിറ്റഡ് ഹൈ സ്പീഡ് പ്ലാനുകളുണ്ട്. പ്രതിമാസം 100 രൂപ മുതൽ 200 രൂപ കൂടുതൽ കൊടുത്താൽ, ഉപയോക്താക്കൾക്ക് വലിയ സ്‌ക്രീനിലും ചെറിയ സ്‌ക്രീനിലും മുൻനിരയിലുള്ള 14 ഒ.ടി.പി. ആപ്പുകളിലേക്ക് കൂടി ആക്‌സസ് ലഭിക്കും. അതുവഴി ഉപയോക്താക്കൾക്ക് ഇഷ്ടപെട്ട സിനിമകൾ, ടിവി ചാനലുകൾ, വീഡിയോ ഓൺ ഡിമാൻഡ്, വാർത്തകൾ, സ്‌പോർട്‌സ് എന്നിവയും ആസ്വദിക്കാം.