2004-ൽ ഗൂഗിളിൽ എത്തി
2004-ൽ ആണ് സുന്ദര് പിച്ചൈ ഗൂഗിളിൽ എത്തുന്നത്. 2015-ൽ ഗൂഗിളിൻറെ സിഇഒ സ്ഥാനത്തെത്തി. ഗൂഗിളിൻറെ കോര്‍പ്പറേറ്റ് പുസംഘടനാ പ്രവ‍ര്‍ത്തനങ്ങളുടെ സമയത്താണ് സുന്ദര് പിച്ചൈ ഗൂഗിളിൽ എത്തുന്നത്. ഗൂഗിൾ ഡ്രൈവ്, ജി മെയിൽ, ഗൂഗിൾ മാപ്സ് എന്നിവയുടെ പ്രവ‍ര്‍ത്തനങ്ങൾക്ക് ചുക്കാൻ പിടിച്ചതുൾപ്പെടെയുള്ള ശ്രദ്ധേയമായ പ്രവ‍ര്‍ത്തനങ്ങൾ
ഇന്ത്യൻ വംശജനാണ് പിച്ചൈ
ഇന്ത്യൻ വംശജനായ സുന്ദർ പിച്ചൈയുടെ ജനനം മധുരൈയിൽ ആയിരുന്നു.ഐഐടി ഖരഗ്പുർ വിദ്യാർത്ഥിയായിരുന്നു. ചെന്നൈ അശോക് നഗറിലെ ജവഹർ വിദ്യാലയത്തിലായിരുന്നു പ്രാഥമിക വിദ്യാഭ്യാസം. സ്റ്റാൻഫഡിൽ നിന്ന് എംഎസ് നേടിയ സുന്ദർ പിച്ചൈ പെൻസിൽവാനിയയിൽ നിന്ന് എംബിഎ നേടിയിട്ടുണ്ട്. ഐഐടി സഹപാഠിയായിരുന്ന മുംബൈ സ്വദേശി അഞ്ജലിയെ ആണ് വിവാഹം ചെയ്തത്.
sundar pichai
2004-ൽ വൈസ് പ്രസിഡൻറായി ഗൂഗിളിൽ ചേർന്ന സുന്ദർ പിച്ചൈ കമ്പനിയുടെ ബിസിനസ് വൈവിധ്യവത്കരണത്തിലും ഇന്നവേഷനിലും ശ്രദ്ധ പതിപ്പിച്ചു. 2013-ൽ ഗൂഗിൾ ആൻഡ്രോയിഡിൻറെ ചുമതല വഹിച്ചു. 2015 മുതൽ ഗൂഗിൾ സിഇഒ ആയി പ്രവർത്തിച്ചു വരികയാണ്.
ലോകം ശ്രദ്ധിക്കുന്ന കോർപ്പറേറ്റ് ലീഡർ
ഗൂഗിൾ സ്ഥാപകരായ ലാറി പേജും സെർജി ബ്രിന്നും സ്ഥാനമൊഴിയുന്നതോടെ ഗൂഗിളിനെയും മാതൃസ്ഥാപനമായ ആൽഫബെറ്റിനെയും വിജയകരമായി മുന്നോട്ടു നയിക്കുക എന്ന വെല്ലുവിളി നിറഞ്ഞ ഉത്തരവാദിത്തം തന്നെയാണ് സുന്ദർ പിച്ചൈയ്ക്ക് ഏറ്റെടുക്കേണ്ടി വരിക. എന്നാൽ ഇന്നവേഷനിലും പ്രവർത്തന മികവിലും ഏറെ ശ്രദ്ധിക്കുന്ന സുന്ദർ പിച്ചൈയ്ക്ക് ഈ വെല്ലുവിളികൾ മറികടക്കാനാകും എന്നും ഗൂഗിളിനെ അടുത്ത തലത്തിലേക്കുയർത്താൻ ആകുമെന്നുമാണ് നിരീക്ഷകരുടെ വില ഇരുത്തൽ.