എംഎ യൂസഫ് അലിയുടെ കാർ കളക്ഷൻ; പ്രിയം ഏഴ് കോടിയുടെ റോൾസ് റോയ്സിനോട്, അമ്പരപ്പിക്കും !

ഏഷ്യയിലെ ഏറ്റവും വലിയ കോടീശ്വരനും റിലയൻസ് ഇൻഡസ്ട്രീസ് ചെയർമാനുമായി മുകേഷ് അംബാനി ഉൾപ്പെടെ നിരവധി ശതകോടീശ്വരന്മാരുടെ പ്രിയ വാഹനമാണ് റോൾസ് റോയ്സ്. ഇന്ത്യയിൽ 7 കോടി രൂപയിലധികമാണ് റോൾസ് റോയ്‌സ് ഗോസ്റ്റിന്റെ വില. റോൾസ് റോയ്‌സിന്റെ അടിസ്ഥാന വേരിയന്റാണ് ഈ മോഡൽ. ദുബായിൽ ആയിരിക്കുമ്പോൾ അദ്ദേഹം ഏറ്റവും സഞ്ചരിക്കുന്നത് ഈ റോൾസ് റോയ്‌സ് ഗോസ്റ്റിലാണ്. റോൾസ് റോയ്സ് കൂടാതെ ബെന്റ്ലി ബെന്റായിഗയും ബിഎംഡബ്ല്യു സീരീസ് 7 ഉം അദ്ദേഹത്തിനുണ്ട്.

ഷാരൂഖ് ഖാൻ ഉൾപ്പടെയുളള ബോളിവുഡ് സെലിബ്രിറ്റികളുടെ ഇഷ്ട വാഹനമാണ് ബെന്റ്ലി. അടുത്തിടെ അജയ് ദേവ്ഗണും ബെന്റ്ലി ബെന്റായിഗ സ്വന്തമാക്കിയിരുന്നു. മിക്ക സെലിബ്രിറ്റികളുടെയും ശതകോടീശ്വരൻമാരുടെയും ഗാരേജിലുള്ള വാഹനമാണ് ബി‌എം‌ഡബ്ല്യു സീരീസ് 7. സച്ചിൻ ടെണ്ടുൽക്കർ, ആലിയ ഭട്ട്, സെയ്ഫ് അലി ഖാൻ, നാഗാർജുന തുടങ്ങിയ താരങ്ങളെല്ലാം ബി‌എം‌ഡബ്ല്യു സീരീസ് 7 സ്വന്തമാക്കിയിട്ടുണ്ട്.

കോടീശ്വരനായ ഏതൊരാളുടെയും ഗാരേജിൽ ഏറ്റവും കൂടുതൽ കാണപ്പെടുന്ന മോഡലാണ് എസ്‌യുവികൾ. യൂസഫ് അലിയുടെ ഗാരേജിലും എസ്‍യുവികൾ സ്ഥാനം പിടിച്ചിട്ടുണ്ട്. രണ്ട് ലാൻഡ് റോവർ വോഗുകളും ഒരു ലെക്സസ് എൽഎക്സ് 750 ഉം ആണ് യൂസഫ് അലിയുടെ വാഹന കളക്ഷനിൽ ഉള്ളത്. എസ്‍യുവി കൂടാതെ ആഡംബര കാറായ മിനി കൂപ്പറും അദ്ദേഹത്തിന്റെ കയ്യിലുണ്ട്. ഇതിന്റെ നമ്പർ പ്ലേറ്റാണ് രസകരം. 0001 എന്നാണ് എംഎ യൂസഫ് അലിയുടെ മിനി കൂപ്പറിന്റെ നമ്പർ.