ഗുണനിലവാരമില്ലാത്ത കുപ്പി വെള്ളം വിൽക്കാനാകില്ല; ലിറ്ററിന് 13 രൂപ മാത്രം

കൊച്ചി: സംസ്ഥാനത്ത് ഇനി ഗുണനിലവാരമില്ലാത്ത കുപ്പി വെള്ളം വിൽക്കാനാകില്ലെന്ന വ്യവസ്ഥ വരുന്നു. ബിഐഎസ് ഗുണനിലവാര മാനദണ്ഡങ്ങൾ പാലിച്ചേ വിൽപ്പന നടത്താനാകൂ. ഇത് സംബന്ധിച്ച വിജ്ഞാപനം ഉടൻ പുറപ്പെടുവിക്കും.
കുപ്പിവെള്ളം ലിറ്ററിന് പരമാവധി 13 രൂപ മാത്രമേ ഈടാക്കാനാകൂ. നിലവിൽ 20 രൂപയോളമാണ് ഒരു ലിറ്റർ കുപ്പിവെള്ളത്തിന് ഈടാക്കുന്നത്.

Also Read: പാചക വാതക വില വ‍ര്‍ധിപ്പിച്ചു;ഒറ്റയടിക്ക് 145 രൂപയുടെ വർധന

അവശ്യ സാധന നിയമത്തിൻറെ പരിധിയിൽ കൊണ്ടു വന്നാണ് കുപ്പി വെള്ളത്തിൻറെ വില കുറയ്ക്കുന്നത്. ഭക്ഷ്യ വകുപ്പിൻറെ നിർദേശ പ്രകാരമാണ് നീക്കം. 2018-ൽ കുപ്പിവെള്ള നിർമാതാക്കളുടെ യോഗം വിളിച്ച് ലിറ്ററിന് റീട്ടെയ്ൽ വില 12 രൂപയായി കുറയ്ക്കണമെന്ന് സർക്കാർ നിർദേശിച്ചിരുന്നു. എന്നാൽ വ്യാപാരികളുടെ എതിർപ്പു മൂലം തീരുമാനമാകാതെ പിരിയുകയായിരുന്നു.