കെകെആർ ഗ്രൂപ്പ് റിലയൻസ് ജിയോയിൽ നിക്ഷേപം നടത്തുന്നു

മുംബൈ: റിലയൻസ് ജിയോയിൽ വീണ്ടും കൂടുതൽ വിദേശ നിക്ഷേപം എത്തുന്നു. വിദേശ ഇക്വിറ്റി കമ്പനിയായ കെകെആർ ഗ്രൂപ്പ് ആണ് പുതിയതായി ജിയോയിൽ നിക്ഷേപം നടത്തും എന്ന് അറിയിച്ചിരിയ്ക്കുന്നത്. 11,367 കോടി രൂപയാണ് നിക്ഷേപിയ്ക്കുക. യുഎസിലെ ഇക്വിറ്റി കമ്പനിയാണ് കെകെആർ. 2.32 ശതമാനം ഓഹരികളാണ് കമ്പനി വാങ്ങുന്നത്.

Also Read: ജിയോ ഓഹരികൾ വാങ്ങാനൊരുങ്ങി കൂടുതൽ രാജ്യാന്തര കമ്പനികൾ

ഇതോടെ മുകേഷ് അംബാനിയുടെ ഡിജിറ്റൽ പ്ലാറ്റ്‍ഫോമിൽ എത്തിയ മൊത്തം നിക്ഷേപം 78,562 കോടി രൂപ കവിഞ്ഞു. ഫേസ്ബുക്ക്, ഇക്വിറ്റി കമ്പനികളായ സിൽവർ ലേക്ക്, വിസ്ത ഇക്വിറ്റി പാർട്ണേഴ്സ്, ജനറൽ അറ്റ്ലാൻറിക് എന്നിവ നടത്തിയ നിക്ഷേപത്തിന് പുറമെയാണ് കെകെആർ ഗ്രൂപ്പിൻെറ നിക്ഷേപം.

യുഎസ് , സൗദി രാജ്യങ്ങളിലെ മറ്റ് വൻകിട കമ്പനികളും റിലയൻസിൽ നിക്ഷേപം നടത്താൻ താൽപ്പര്യം പ്രകടിപ്പിച്ചിട്ടുണ്ട്. സൗദി അറേബ്യയിലെ പബ്ലിക് ഇൻവെസ്റ്റ്മെൻറ് ഫണ്ടാണ് ജിയോയിൽ മൈനോരിറ്റി സ്റ്റേക്കുകൾ വാങ്ങാൻ ഒരുങ്ങുന്നത്. വിസ്ത ഇക്വിറ്റി 150 കോടി ഡോളറിന് ജിയോ ഓഹരികൾ വാങ്ങിയത്.

Also Read: ഫേസ്ബുക്കിനും സില്‍വര്‍ ലെയ്ക്കിനും പിന്നാലെ വിസ്ത ഇക്വിറ്റിയും; ജിയോയിൽ 11,367 കോടി രൂപ നിക്ഷേപിക്കും

ഈ ഇടപാടിലൂടെ ജിയോ പ്ലാറ്റഫോംസിൻെറ ഓഹരി മൂല്യം 4.91 ലക്ഷം കോടി രൂപയായും എൻറപ്രൈസ് മൂല്യം 5.16 കോടി രൂപയായി ഉയരും. ഒരു മാസത്തിനുള്ളിൽ അഞ്ചു നിക്ഷേപങ്ങളിലൂടെ 78,562 കോടി രൂപയാണ് ജിയോ പ്ലാറ്റഫോംസിലേക്കു വന്നുചേർന്നിരിക്കുന്നത്. 17.12 ശതമാനം ഓഹരിയാണ് ജിയോ വിറ്റഴിച്ചത്.

1976-ൽ സ്ഥാപിതമായ കെ‌കെ‌ആറിന് പ്രമുഖ ആഗോള സംരംഭങ്ങൾ കെട്ടിപ്പടുക്കുന്നതിനും സാങ്കേതിക മേഖലയിലെ ബിസിനസുകളിൽ വിജയകരമായി നിക്ഷേപിക്കുന്നതിനും ഒരു നീണ്ട ചരിത്രമുണ്ട്. കമ്പനി 30 ബില്യൺ ഡോളറിലധികം ടെക് കമ്പനികളിൽ നിക്ഷേപിച്ചിട്ടുണ്ട്.