കൊറോണക്കാലത്ത് കേരളത്തിൽ നിന്ന് മനുഷത്വത്തിൻറെ വേറിട്ടൊരു മാതൃക

കൊച്ചി: സംസ്ഥാനത്ത് ദുരന്തം വിതച്ച പ്രളയം, നിപ വെെറസ് എന്നിവയെ ഒക്കെ ഒറ്റക്കെട്ടായി നേരിട്ടതാണ് കേരളീയ‍ര്‍. ഇപ്പോൾ . കൊറോണയാണ് കൂടുതൽ ആശങ്കകൾ പരത്തുന്നത്. വ്യാപാര മേഖല കടുത്ത പ്രതിസന്ധി നേരിടുകയാണ്. അത്യാവശ്യത്തിന് മാത്രമേ ആളുകൾ പുറത്തിറങ്ങുന്നുള്ളൂ എന്നതിനാൽ മിക്ക വ്യാപാരികളും നഷ്ടം നേരിടുന്നു.

കൊറോണക്കാലത്തും മനുഷത്വം തന്നെയാണ് മുന്നിൽ നിൽക്കേണ്ടതെന്നാണ് ചാലിശ്ശേരി സ്വദേശിയും വ്യവസായിയും ആയ സി.ഇ ചാക്കുണ്ണിയുടെ പക്ഷം. കൊറോണ മൂലം വ്യാപാരികൾ കടുത്ത നഷ്ടം നേരിടുന്നതിനാൽ കോഴിക്കോട് നഗരത്തിലെ തൻറെ കെട്ടിടത്തിൽ പ്രവ‍ര്‍ത്തിയ്ക്കുന്ന വ്യാപാര സ്ഥാപനങ്ങൾക്ക് വാടക ഇളവ് നൽകിയാണ് അദ്ദേഹം വേറിട്ട മാതൃകയാകുന്നത്.

Also Read: കൊവിഡ് 19; സംസ്ഥാനവും കടുത്ത സാമ്പത്തിക പ്രതിസന്ധിയിലേക്കോ?

മലബാ‍ര്‍ ഡെവലപ്മെൻറ് കൗൺസിൽ ചെയ‍ര്‍മാനായ അദ്ദേഹവും ബന്ധുക്കളും 60-ഓളം കടമുറികളാണ് വാടകയ്ക്ക് നൽകിയിട്ടുള്ളത് . ഈ മാസം ഇവരിൽ നിന്നൊന്നും വാടക ഈടാക്കില്ല. ഇതു കണ്ട് മറ്റു കെട്ടിട ഉടമകളും ഈ മാസം വാടക ഈടാക്കേണ്ടതില്ലെന്ന് തീരുമാനിച്ചിട്ടുണ്ടെന്നാണ് റിപ്പോ‍ര്‍ട്ടുകൾ.

എന്തായാലും കൊറോണക്കാലത്തും ഉണ്ട് കേരളത്തിൽ മനുഷ്യപ്പറ്റിൻറെയും കരുണയുടെയും ഇത്തരം മാതൃകകൾ.
ഈ അവസരത്തിലും ജിഎസ്ടി റിട്ടേൺ ഫയലിങ് വൈകുന്നതിന് കേന്ദ്ര സ‍ര്‍ക്കാ‍ര്‍ വ്യാപാരികളിൽ നിന്ന് പിഴയും കുടിശ്ശികയും ഒക്കെ ഈടാക്കുന്നുണ്ട് എന്നത് ശ്രദ്ധേയമാണ്.