ആധാര്‍, ബാങ്ക് അക്കൗണ്ടുമായി ബന്ധിപ്പിക്കണം: റിസര്‍വ് ബാങ്ക്

ബാങ്ക് അക്കൗണ്ടുകളുമായി ആധാര്‍ നമ്പര്‍ നിര്‍ബന്ധമായും ബന്ധിപ്പിക്കണമെന്ന് റിസര്‍വ് ബാങ്ക് ഓഫ് ഇന്ത്യ. മറ്റുതരത്തില്‍ പ്രചരിക്കുന്ന വാര്‍ത്തകള്‍ ശരിയല്ലെന്നും റിസര്‍വ് ബാങ്ക് പ്രസ്‍താവനയില്‍ അറിയിച്ചു.

കള്ളപ്പണം വെളുപ്പിക്കുന്നത് തടയാന്‍ ആധാറുമായി ബാങ്ക് അക്കൗണ്ടുകള്‍ ബന്ധിപ്പിക്കുന്നത് തുടരണമെന്നാണ് ഇക്കാര്യത്തില്‍ റിസര്‍വ് ബാങ്കിന്‍റെ നിലപാട്. ഡിസംബര്‍ 31വരെയാണ് 12 അക്ക ആധാര്‍ നമ്പര്‍ ബാങ്ക് അക്കൗണ്ടുമായി ബന്ധിപ്പിക്കാനുള്ള പരിധി.

ഈ സമയ പരിധിക്ക് ശേഷവും ആധാറുമായി ബന്ധിപ്പിക്കാത്ത അക്കൗണ്ടുകള്‍ റദ്ദ് ചെയ്യുമെന്ന് വിവിധ ബാങ്കുകള്‍ ഉപയോക്താക്കളെ അറിയിച്ചിരുന്നു. സ്വകാര്യത മൗലിക അവകാശമായി സുപ്രീംകോടതി വിധിച്ചിരുന്നു. ഇതിന്‍റെ പശ്ചാത്തലത്തില്‍ ബയോമെട്രിക് വിവരശേഖരണമായ ആധാറിന്‍റെ സാധുതകള്‍ ചോദ്യം ചെയ്യപ്പെട്ടിരുന്നു.

Link Aadhaar number to bank accounts

The Reserve Bank of India (RBI) on Saturday dismissed media reports that it was not necessary to link national identity card numbers, known as Aadhaar numbers, to bank accounts.