എണ്ണ വിലയിടിവ്: സൗദി അറേബ്യ തൊഴിലാളികളെ പിരിച്ചുവിടുന്നു

എണ്ണ വിലയിടിവിനെ തുട‍ന്ന് സൗദി അറേബ്യ ചെലവുചുരുക്കല്‍ പ്രഖ്യാപിച്ചു. ഇതേ തുട‍ര്‍ന്ന് കരാര്‍ കമ്പനികള്‍ തൊഴിലാളികളെ വ്യാപകമായി പിരിച്ചുവിട്ടു തുടങ്ങി. സൗദിയിലെ കരാര്‍ മേഖലയില്‍ 18 ലക്ഷം വിദേശികള്‍ ജോലി ചെയ്യുന്നതില്‍ നല്ലൊരു പങ്ക് മലയാളികളാണ്.

പൊതുമേഖലാ സ്ഥാപനങ്ങളായ സൗദ് അരാംകോ, സാബിക്, റോയല്‍ കമ്മിഷന്‍ തുടങ്ങിയവര്‍ നൂറിലധികം വന്‍കിട പദ്ധതികൾ നിര്‍ത്തിവെച്ചു. അവരില്‍നിന്നു കരാര്‍ ജോലികള്‍ പ്രതീക്ഷിച്ചു വിദേശത്തുനിന്നു നൂറുകണക്കിനു തൊഴിലാളികളെ റിക്രൂട്ട് ചെയ്തുകൊണ്ടുവന്ന വലുതും ചെറുതുമായ നിരവധി കമ്പനികളാണ് തൊഴിലാളികള്‍ക്കു ശമ്പളം നല്‍കാനാകാതെ പ്രതിസന്ധിയിലായിരിക്കുന്നത്. ആറു മാസമായി ശമ്പളം ലഭിക്കാത്ത തൊഴിലാളികളുണ്ട്.