പാചകവാതക വില വീണ്ടും കൂട്ടി; ഈ മാസം വില വർധിക്കുന്നത് രണ്ടാം തവണ

പണപ്പെരുപ്പം കുതിച്ചുയരുന്നതിനിടെ വീണ്ടും പാചകവാതക വിലവർധന. ഈ മാസം ഇതു രണ്ടാം തവണയാണ് കമ്പനികൾ വില വർധിപ്പിക്കുന്നത്. അതേസമയം ഇത്തവണ വില വർധന നാമമാത്രമാണ്. ഗാർഹിക ആവശ്യങ്ങൾക്കുള്ള സിലിണ്ടറിന് 3.50 രൂപയും, വാണിജ്യ ആവശ്യങ്ങൾക്കുള്ള സിലിണ്ടറിന് എട്ടു രൂപയുമാണ് വർധിപ്പിച്ചത്.

Also Read: നികുതി നേട്ടം വേണോ? ഈ അഞ്ചു കാര്യങ്ങള്‍ ശ്രദ്ധിക്കൂ...

ഈ മാസം ആദ്യം ഗാർഹിക സിലിണ്ടറിന് 50 രൂപയും, വാണിജ്യ എൽ.പി.ജി. സിലിണ്ടറിന് 102.50 രൂപയും കമ്പനികൾ വർധിപ്പിച്ചിരുന്നു. പുതിയ വിലവർധനയോടെ കൊച്ചിയിൽ 14.6 കിലോഗ്രാം സിലിണ്ടറിന് 1,010 രൂപയോളം വില വരും. സംസ്ഥാനത്ത് മിക്ക ഇടങ്ങളിലും സസിലിണ്ടറുകൾ വീട്ടിലെത്തിമ്പോൾ 1,100 രൂപയോളം ചെലവ് വരും. വാണിജ്യ സിലിണ്ടറുകൾക്ക് കൊച്ചിയിൽ വാണിജ്യ സിലിണ്ടർ വില 2,370 രൂപയോളം ചെലവ് വരും. വാണിജ്യ സിലിണ്ടറുകളുടെ വില വർധന കമ്യൂണിറ്റി കിച്ചണുകളുടേയും, ഹോട്ടലുകളുടേയും മറ്റും പ്രവർത്തനങ്ങളെ സാരമായി ബാധിക്കും. കൂടാതെ പണപ്പെരുപ്പം വീണ്ടും കുതിക്കാനും വഴിവയ്ക്കും.

Also Read: സാലഡ് വില്‍ക്കുന്നോ? യുവതിയുടെ പ്രതിമാസം വരുമാനം 1.5 ലക്ഷം രൂപ

ആഗോള എണ്ണവില കുതിച്ചിട്ടും രാജ്യത്ത് സർക്കാർ സമ്മർദം മൂലം എണ്ണക്കമ്പനികൾ പെട്രോൾ- ഡീസൽ വില ഉയർത്തുന്നില്ല. ഇതാണ് പാചക വാതക വിലവർധനയിലേക്കു നയിച്ചത്. എണ്ണവിലക്കയറ്റം കമ്പനികളെ ശ്വാസം മുട്ടിക്കുകയാണെന്നും റിപ്പോർട്ടുകളുണ്ടായിരുന്നു. ഇന്ധനവില നിർണയ അ‌ധികാരം എണ്ണക്കമ്പനികൾക്കാണെങ്കിലും രാജ്യത്തെ റീട്ടെയിൽ, മൊത്ത പണപ്പെരുപ്പം എട്ടു വർഷത്തെ ഉയരങ്ങൾ താണ്ടിയ സാഹചര്യത്തിൽ ഇന്ധനവിലയിൽ സർക്കാർ ഇടപെടലുകളുണ്ട്. ഇന്ധനവില വീണ്ടും കൂടിയാൽ പണപ്പെരുപ്പം കുതിച്ചുയരും. പണപ്പെരുപ്പം പിടിച്ചു നിർത്താൻ കഴിഞ്ഞ ദിവസം ആർ.ബി.ഐ. അ‌പ്രതീക്ഷിത ഇടപെടലിലൂടെ റിപ്പോ നിരക്കുകൾ വർധിപ്പിച്ചിരുന്നു.

മറ്റിടങ്ങളിലെ വില

• ഡൽഹി (14.2 കിലോ)- 1,003 രൂപ
• കൊൽക്കത്ത (14.2 കിലോ)- 1,029 രൂപ
• ചെന്നൈ (14.2 കിലോ)- 1,018.5 രൂപ
• മുംബൈ (14.2 കിലോ)- 1,003 രൂപ

വാണിജ്യ സിലിണ്ടർ വില

• ഡൽഹി (19 കിലോ)- 2,354 രൂപ
• കൊൽക്കത്ത (19 കിലോ)- 2,454 രൂപ
• ചെന്നൈ (19 കിലോ)- 2,306 രൂപ
• മുംബൈ (19 കിലോ)- 2,507 രൂപ