പാചക വാതക വില വ‍ര്‍ധിപ്പിച്ചു;ഒറ്റയടിക്ക് 145 രൂപയുടെ വർധന

കൊച്ചി: പാചക വാതക സിലണ്ടറുകൾക്ക് വില വ‍ര്‍ധിച്ചു. ഒറ്റയടിക്ക് 145 രൂപയാണ് വ‍ര്‍ധിച്ചിരിക്കുന്നത്. സബ്സിഡി ഇല്ലാത്ത എൽപിജി സിലണ്ടറുകൾക്കാണ് വില വ‍ര്‍ധന. പുതിയ നിരക്കുകൾ ഇന്നു മുതൽ പ്രാബല്യത്തിൽ വരും. സബ്സിഡി ഉള്ളവർക്ക് കൂട്ടിയ നിരക്ക് സബ്സിഡിയായി തന്നെ ലഭിക്കും എന്നാണ് സൂചന.

Also Read: സബ്സിഡി നി‍ര്‍ത്തിയേക്കും; പാചക വാതക വില ഉയരും

റീട്ടെയ്‍ലര്‍മാര്‍ എല്ലാ മാസവും പാചക വാതക സിലണ്ടറിന് വില ഉയ‍‍ര്‍ത്താറുണ്ട്. ഡയറക്ട് സബ്സിഡി പദ്ധതിയ്ക്ക് കീഴിൽ ഒരു വ‍ര്‍ഷം 12 സിലിണ്ടറുകളാണ് ഓരോ കുടുംബത്തിനും ലഭിയ്ക്കുക. ഉടൻ പാചക വാതക സിലിണ്ടറുകൾക്ക് നൽകുന്ന സബിസിഡി നിർത്തലാക്കിയേക്കും എന്നും സൂചനയുണ്ട്.

നിലവിൽ ഇന്ത്യൻ ഓയിൽ കോർപ്പറേഷൻ മാത്രം 30 ലക്ഷം സിലണ്ടറുകൾ വിതരണം ചെയ്യുന്നുണ്ട്. സർക്കാർ സബ്‌സിഡി നിരക്കിൽ നൽകുന്ന എൽപിജി സിലിണ്ടറിന്റെ വില ക്രമേണ പൊതുമേഖലാ എണ്ണ കമ്പനികൾ വർധിപ്പിച്ചേക്കും എന്നതിനാൽ കൂടുതൽ നിരക്കു വർധനയക്കും സാധ്യതയുണ്ട്.