രാജ്യത്ത് പാചകവാതക വിലയിലും വൻ വര്‍ധനവ്

ഡല്‍ഹി: പെട്രോള്‍, ഡീസല്‍ വില കുതിക്കുന്നതിനൊപ്പം രാജ്യത്ത് പാചകവാതക വിലയും വര്‍ധിപ്പിച്ചു. ഗാര്‍ഹിക സിലിണ്ടറിന്‍റെ വില 812.50 രൂപ ആയി. 30 രൂപയാണ് കൂട്ടിയത്. വാണിജ്യ സിലിണ്ടറിൻ്റെ വില 1410.50 രൂപയായാണ് ഉയര്‍ന്നിരിക്കുന്നത്. പുതുക്കിയ വില കഴിഞ്ഞ അര്‍ദ്ധരാത്രി മുതൽ പ്രാബല്യത്തിൽ വന്നു.

ഡീസലിനുണ്ടായ വിലവര്‍ധനവ് ഭക്ഷ്യവസ്തുക്കള്‍ ഉള്‍പ്പെടെയുള്ള അവശ്യവസ്തുക്കളുടെ വിലക്കയറ്റത്തിന് ഇടയാക്കുന്നുണ്ടെന്ന വ്യാപക റിപ്പോര്‍ട്ട് വരുന്നതിനിടെയാണ് സാധാരണക്കാര്‍ക്ക് വെല്ലുവിളിയായി പാചകവാതക വിലയും വര്‍ധിച്ചത്.