200 ലുലു മാളുകൾ എന്ന സ്വപ്നവുമായി എം.എ യൂസഫലി

കൊച്ചി: കേരളത്തിൽ മാളുകളുടെ രാജാവു തന്നെയാണ് ലുലു മാൾ. കേരളത്തിലെ മാൾ സംസ്കാരത്തിന് ഇന്ധനമേകിയ ലുലുമാൾ ആറാം വർഷത്തിലേക്ക് കടക്കുന്നു എന്ന പ്രത്യേകതയും 2020-ൽ ലുലു മാളിനുണ്ട്. പുതുവർഷത്തിൽ, ലുലു മാളുകളുടെ എണ്ണം 200 ആക്കണമെന്ന ആഗ്രഹം പങ്കു വെച്ചിരിക്കുകയാണ് ലുലു ഗ്രൂപ്പ് എംഡിയും ചെയർമാനുമായി എം.എ യൂസഫലി. വിദേശ രാജ്യങ്ങളിൽ ഉൾപ്പെടെ ലുലുവിൻറെ പ്രവർത്തനം കൂടുതൽ വ്യാപിപ്പിക്കുകയാണ് ലക്ഷ്യം.

തൃശ്ശൂർ ലുലുമാൾ നിർമാണം ജൂലൈയിൽ

ദിനം പ്രതി ഒരു ലക്ഷത്തിനടുത്ത് ആളുകളാണ് കൊച്ചിയിലെ ലുലുമാൾ സന്ദര്‍ശിക്കുന്നത്. പാർക്കിങ് ഏരിയ ഉൾപ്പെടെ 15 ലക്ഷം സ്ക്വയര്‍ ഫീറ്റിലാണ് ലുലു മാൾ വ്യാപിച്ച് കിടക്കുന്നത്. മാ‍ര്‍ച്ച് 2013-നാണ് മാൾ പ്രവ‍ര്‍ത്തനം ആരംഭിച്ചത്. തിരുവനന്തപുരത്ത് ലുലുമാളിൻറെ നിർമാണ പ്രവ‍ര്‍ത്തനം നടന്ന് വരികയാണ്. കാലിക്കറ്റ്, ത്രിശ്ശൂ‍ര്‍, ലഖ്നൗ, ചെന്നൈ, ബെംഗളൂരൂ എന്നിവിടങ്ങളിലും ലുലു മാൾ പ്രവർത്തനം ആരംഭിക്കും. ജൂലായ് മാസത്തിനകം തൃശ്ശൂർ ലുലു സെൻററിനോട് അനുബന്ധിച്ചുള്ള ലുലു മാളിൻറെ നിർമാണം തുടങ്ങും. അബുദാബിയിൽ ആണ് ആദ്യ ഹൈപ്പർ മാർക്കറ്റ് പ്രവർത്തനം ആരംഭിച്ചത്. ഇപ്പോൾ യുഎഇയിൽ ഉടനീളം ലുലു ഹൈപ്പർ മാർക്കറ്റുകളുണ്ട്. നിർമാണ

Also Read: ലുലു ഗ്രൂപ്പ് അഭിമുഖം; തൃശ്ശൂരില്‍ എത്തിയത് ആയിരങ്ങള്‍

സൗദി ഉൾപ്പെടെ വിദേശ രാജ്യങ്ങളിലും ലുലു മാളിൻറെ പ്രവ‍ര്‍ത്തനം കൂടുതൽ വ്യാപിപ്പിക്കാനുള്ള തയ്യാറെടുപ്പിലാണ് ഗ്രൂപ്പ്. ഇടപ്പള്ളി എന്നാൽ ലുലുമാൾ എന്നാണ് ഇപ്പോൾ ആളുകൾക്ക്. ക്രിസ്തുമസും, ന്യൂ ഇയർ ആഘോഷങ്ങൾ മാളിനൊപ്പം ആയി മാറിയിരിക്കുന്നു. ഹോസ്പിറ്റാലിറ്റി രംഗത്തും ലുലു സാന്നിധ്യം ശക്തമാക്കുകയാണ്. മൾട്ടി നാഷണൽ കമ്പനിയായ ഹയാത്ത് ലുലുവുമായി ചേർന്ന് നിർമിയ്ക്കുന്ന ഹയാത്ത് റീജൻസി ഹോട്ടൽ ഉടൻ പ്രവർത്തനം ആരംഭിക്കും.

ലുലു ഓൺ സെയിൽ അഞ്ചാം തിയതി വരെ

ജനുവരി 3,4,5 തിയതികളിൽ ഇടപ്പള്ളി ലുലു മാളിൽ പ്രത്യേക ഓഫറുകൾ പ്രഖ്യാപിച്ചു. 500 ബ്രാൻഡുകളെ ഉൾപ്പെടുത്തി 50 ശതമാനം വിലക്കിഴിവിൽ ഉത്പന്നങ്ങൾ വിറ്റഴിക്കും. നാല് അഞ്ച് തിയതികളിൽ ലുലു മാൾ രാവില 9 മുതൽ വൈകിട്ട് 12 വരെ തുറന്ന് പ്രവ‍ര്‍ത്തിക്കും.