എഡ്വേഡിയൻ വാസ്തു ശൈലിയിൽ അതിമനോഹരിയായി ലണ്ടനിൽ ലുലുവിൻറെ പഞ്ചനക്ഷത്ര ഹോട്ടൽ
മെട്രോപോലിറ്റൻ പോലിസ് ആസ്ഥാനമായിരുന്നു ഇത്
ലണ്ടനിലെ വെസ്റ്റ്മിനിസ്റ്ററിൽ ആണ് ചരിത്ര പ്രാധാനമ്യുള്ള ദ ഗ്രേറ്റ് സ്കോട്ട്ലൻഡ് യാര്ഡ് ഹോട്ടൽ. നേരത്തെ ലണ്ടനിലെ മെട്രോപോളിറ്റൻ പോലീസിൻറെ ആസ്ഥാനമയിരുന്നു സ്കോട്ട്ലൻഡ് യാര്ഡ്. ലുലുഗ്രൂപ്പിന് വേണ്ടി പ്രമുഖ നി‍ര്‍മാതാക്കളായ ഗാലിയാ‍‍ര്‍ഡ് ഹോംസാണ് ഹോട്ടൽ രൂപകൽപ്പന ചെയ്‍തത്..
അത്യാധുനിക വിഐപി സ്വീറ്റുകൾ
ലണ്ടനിലെ സമ്പന്നരെയും വിഐപികളെയും ഒക്കെ ലക്ഷ്യമിട്ട് നിർമിച്ചിരിക്കുന്ന പഞ്ച നക്ഷത്ര ഹോട്ടലിൽ രണ്ടു ബെഡ്റൂമിൻറെ ടൗൺ ഹൗസ് വിഐപി സ്വീറ്റുകളും ഉൾപ്പെടുന്നു. 153 മുറികളും 15 സ്വീറ്റുകളുമുണ്ട്. ബാറുകളും റെസ്റ്റോറൻറുകളും ഒക്കെ ഉൾപ്പെടുത്തിയാണ് ഹോട്ടൽ രൂപകൽപ്പന.
1537 -കോടി രൂപയിലേറെ മുതൽമുടക്ക്
ലണ്ടൻറെ രാജ വീഥികളുടെയും മെട്രോപോലീസ് ആസ്ഥാനത്തിൻറെയും ഒക്കെ ഓർമകൾ പേറുന്ന സ്കോട്ട്ലൻഡ് യാര്ഡ് ഹോട്ടലിനു വേണ്ടി ലുലു ഗ്രൂപ്പ് ചെലവഴിച്ചിരിക്കുന്നത് 1,537 കോടി രൂപയിൽ അധികമാണ്. 2015-ൽ 1,025 കോടി രൂപയ്ക്കായിരുന്നു ലുലു ഗ്രൂപ്പ് ഇത് ഏറ്റെടുത്തത്. നിർമാണ പ്രവർത്തനങ്ങൾക്കായി 512 കോടി രൂപയോളമാണ് ചെലവഴിച്ചിരിക്കുന്നത്.
നിക്ഷേപം നടത്തുന്നത് ട്വൻറി 14 ഹോൾഡിങ്സ്
ലുലു ഗ്രൂപ്പിൻറെ ഹോസ്പിറ്റാലിറ്റി നിക്ഷേപ സംരംഭമായ ട്വൻറി 14 ഹോൾഡിങ്സ് ആണ് ഹോസ്പിറ്റാലിറ്റി മേഖലയിൽ നിക്ഷേപം നടത്തുന്നത്. ലണ്ടനിൽ സംരംഭം ഇതു വരെ 2,800 കോടി രൂപയുടെ നിക്ഷേപമാണ് നടത്തിയിരിക്കുന്നത് എന്നാണ് സൂചന. ഇതിൽ 2018-ൽ സ്വന്തമാക്കിയ മറ്റൊരു ഹോട്ടലും ഉൾപ്പെടുന്നു