68 ലക്ഷം രൂപയോ? സോഷ്യൽ മീഡിയയിൽ ചർച്ചയായ മമ്മൂട്ടിയുടെ വാച്ച് ഇതാണ് !

തടിയും മുടിയും നീട്ടിവളർത്തിയ മമ്മൂട്ടിയുടെ പുത്തൻ ലുക്കിലുള്ള ചിത്രങ്ങൾ സോഷ്യൽ മീഡിയയിൽ വൈറലായിരുന്നു. അമല്‍ നീരദ് സംവിധാനം ചെയ്യുന്ന ബിഗ് ബിയുടെ തുടര്‍ച്ചയായ ബിലാല്‍ എന്ന ചിത്രത്തിനുവേണ്ടിയുള്ള ഗെറ്റപ്പ് ആണിതെന്നാണ് പുറത്തുവരുന്ന വിവരം. പുതിയ ലുക്കിൽ ഭാര്യ സുല്‍ഫത്തിനൊപ്പം നില്‍ക്കുന്ന ചിത്രവും ആരാധകർ ഏറ്റെടുത്തിട്ടുണ്ട്. എന്നാൽ ചിത്രങ്ങൾക്കൊപ്പം ചർച്ചയാകുന്നത് താരം കയ്യിൽ അണിഞ്ഞ വാച്ചിനെക്കുറിച്ചാണ്. വാഹനം, ക്യാമറ, ഫോൺ, ടെക്നോളജി തുടങ്ങിവയോട് വൻ ക്രേസുള്ള താരത്തിന്റെ വാച്ചിനോടുള്ള ഇഷ്ടവും നാട്ടിൽ പാട്ടാണ്.

ജർമ്മൻ കമ്പനിയായ ‘ആലങെ ഉൻഡ് സൂനെ’ (A. Lange & Sohne)യുടെ സീറ്റ് വർക്ക് സ്ട്രൈക്കിംഗ് ടൈം മെൻസ് വാച്ച് ആണ് ചിത്രത്തിൽ മമ്മൂട്ടി അണിഞ്ഞിരിക്കുന്നതെന്നാണ് സോഷ്യല്‍ മീഡിയയുടെ കണ്ടെത്തൽ. 68 ലക്ഷം രൂപയിലധികമാണ് ഈ വാച്ചിന്റെ വില. വൈറ്റ് ‍ഗോൾഡ് കൊണ്ട് നിർമ്മിച്ച വാച്ചിന്റെ ഡയൽ കറുപ്പ് നിറത്തിലുള്ളതാണ്. സോളിഡ് സിൽവർ ഉപയോഗിച്ചാണ് ഡയൽ രൂപകൽപ്പന ചെയ്തിരിക്കുന്നത്. റോഡിയം ചെയ്ത സ്വർണം കൊണ്ടാണ് സ്ട്രാപ്പ് നിർമ്മിച്ചിരിക്കുന്നത്.

Also Read: ആമസോൺ തലവനെ മറികടക്കുമോ? ലോക കോടീശ്വരനാകാൻ ഒരുങ്ങി എലോൺ മസ്‌ക്

2009 ലാണ് ആലങെ ഉൻഡ് സൂനെ വാച്ച് കമ്പനി ഈ സീറ്റ് വർക്ക് മോഡൽ അവതരിപ്പിച്ചത്. ഇതേ മോഡലിൽ റോസ് ഗോൾഡിൽ നിർമ്മിച്ച വാച്ചും കമ്പനി പുറത്തിറക്കിയിട്ടുണ്ട്. സീറ്റ് വർക്ക് കുടുംബത്തിൽനിന്നുള്ള രണ്ട് വാച്ചുകൾക്കും ഒരേ വിലയാണ്.