വിപണിയിൽ കനത്ത തകർച്ച: സെൻസെക്സ് ഇടിഞ്ഞത് 1,250 പോയിന്‍റ്

മുംബൈ: ഏഷ്യൻ വിപണിയിലെ ഓഹരിസൂചികകള്‍ കൂപ്പുകുത്തുന്നു. ആറുവര്‍ഷത്തിനിടെ ചരിത്രത്തിലാദ്യമായി ഡൗ ജോണ്‍സ് 1,100 പോയന്‍റാണ് ഇടിഞ്ഞത്. അമേരിക്കന്‍ സൂചിക ഡൗ ജോണ്‍സ് കൂപ്പുകുത്തിയതാണ് ഏഷ്യൻ സൂചികകളിലും പ്രതിഫലിച്ചത്. സെന്‍സെക്‌സ് 1015 പോയിന്‍റ് ഇടിഞ്ഞ് 33,742ലെത്തിയപ്പോൾ നിഫ്റ്റി 306 പോയിന്‍റ് താഴ്ന്ന് 10,359ലുമെത്തി വ്യാപാരത്തിന് തുടക്കമിട്ടു.

യുഎസ് ജോബ് ഡാറ്റ പുറത്തുവന്നതിനെതുടര്‍ന്ന് ആഗോള വ്യാപകമായി കനത്ത വില്പന സമ്മര്‍ദം രൂപപ്പെട്ടിരുന്നു. അതാണ് സൂചികകളെ ബാധിച്ചത്. ലോങ് ടേം ക്യാപിറ്റല്‍ ഗെയിന്‍ ടാക്‌സ് ഏര്‍പ്പെടുത്തിയതിനാൽ രാജ്യത്തെ ഓഹരി വിപണിയും സമ്മര്‍ദ്ദം നേരിടുന്നുണ്ട്. കൂടുതല്‍ തകര്‍ച്ച കണക്കാക്കി നിക്ഷേപകര്‍ കൂട്ടമായി ഓഹരികള്‍ വിറ്റൊഴിയുന്ന സാഹചര്യമാണ് നിലവിലുള്ളത്. പാദഫലം പുറത്തുവരുന്നതിന് മുമ്പായി ടാറ്റ മോട്ടഴ്‌സിന്‍റെ ഓഹരി വില പത്തുശതമാനമാണ് ഇടിഞ്ഞുതാഴ്ന്നത്.