ഇന്ത്യയുടെ വളർച്ചാ അനുമാനം കുത്തനെ കുറച്ച് മൂഡീസ്

ന്യൂഡൽഹി: ഇന്ത്യയുടെ സാമ്പത്തിക വളർച്ചാ അനുമാനം കുത്തനെ കുറച്ച് ക്രെഡിറ്റ് റേറ്റിങ് ഏജൻസിയായ മൂഡീസ്. 2020 -ലെ ജിഡിപി വളർച്ച 2.5 ശതമാനംആയിരിക്കും എന്നാണ് മൂഡീസിൻറെ പ്രവചനം. 5.3 ശതമാനം എന്ന വളർച്ചാ അനുമാനമാണ് 2.5 ശതമാനത്തിലേയ്ക്ക് താഴ്ത്തിയിരിക്കുന്നത്.

21 ദിവസത്തെ ലോക്ക് ഡൌൺ രാജ്യത്തെ സാമ്പത്തിക വളർച്ച മന്ദഗതിയിൽ ആക്കും എന്ന നിഗമനമാണ് സാമ്പത്തിക വളർച്ചാ പ്രവചനത്തിൽ മാറ്റം വരുത്താൻ മൂഡീസിനെ പ്രേരിപ്പിച്ചിരിക്കുന്നത്. കൊറോണക്കാലം സാമ്പത്തിക വളർച്ചയിൽ 2.2 ശതമാനം ഇടിവുണ്ടാക്കും എന്നാണ് നിഗമനം.

Also Read: വായ്പകൾക്ക് മോറട്ടോറിയം പ്രഖ്യാപിച്ച് ആർബിഐ; മൂന്നു മാസം ഇഎംഐ വേണ്ട

അതേസമയം 2021-ൽ ഇന്ത്യയുടെ വളർച്ച 5.8 ശതമാനം ആയിരിക്കും എന്ന പ്രവചനത്തിൽ ഏജൻസി മാറ്റം വരുത്തിയിട്ടില്ല. എസ്ആൻഡ്പി ഗ്ലോബൽ റേറ്റിങ്സ് ഉൾപ്പെടെ ഇന്ത്യയുടെ സാമ്പത്തിക വളർച്ച കുറയും എന്ന് നേരത്തെ തന്നെ മുന്നറിയിപ്പ് നൽകിയിരുന്നു.