യെസ് ബാങ്ക് മോറട്ടോറിയം ഉടൻ നീക്കിയേക്കും; എടിഎമ്മുകൾ പ്രവർത്തിച്ചു തുടങ്ങി

ന്യൂഡൽഹി: യെസ് ബാങ്ക് പ്രതിസന്ധിയുടെ പശ്ചാത്തലത്തിൽ ബാങ്കിങ് പ്രതിസന്ധി പരിഹരിയ്ക്കാൻ ആർബിഐ കൂടുതൽ നടപടികൾ സ്വീകരിച്ചേക്കും എന്നു സൂചന.നാഷണൽ ഇലക്ട്രോണിക് ഫണ്ട് ട്രാൻസ്ഫ‍ര്‍ ഉപയോഗിച്ചും മറ്റു ബാങ്കുകളുടെ അക്കൌണ്ട് മുഖേനയും ഇപ്പോൾ യെസ് ബാങ്ക് ഉപഭോക്താക്കൾക്ക് ലോൺ തിരിച്ചടവ്, ക്രെഡിറ്റ് കാർഡ് കുടിശ്ശിക തുടങ്ങിയവ അടയ്ക്കാനാകും.

യെസ് ബാങ്ക് പ്രതിസന്ധിയെ തുടര്‍ന്ന് ആ‍ര്‍ബിഐ മോറട്ടോറിയം ഏ‍ര്‍പ്പെടുത്തിയിരിക്കുന്നതിനാൽ 50,000 രൂപ വരെ മാത്രമാണ് ഉപഭോക്താക്കൾക്ക് ഇപ്പോൾ പിൻവലിയ്ക്കാനാകുക. എന്നാൽ യെസ് ബാങ്കിനു മേൽ ഏ‍ര്‍പ്പെടുത്തിയിരിക്കുന്ന മോറട്ടോറിയം ശനിയാഴ്ച്ചയോടെ പിൻവലിച്ചേക്കും എന്നു സൂചനയുണ്ട്.

Also Read: യെസ് ബാങ്ക്; റാണ കപുറിൻറെ കുടുംബാംഗങ്ങളിലേക്കും അന്വേഷണം

ഏപ്രിൽ മൂന്ന് വരെ ഒരുമാസത്തേയ്ക്കാണ് ബാങ്കിന് മോറട്ടോറിയം ഏ‍ര്‍പ്പെടുത്തിയിരുന്നത്. എന്നാൽ സാമ്പത്തിക വ‍ര്‍ഷം അവസാനിക്കാനിരിക്കെ ഈ മാസം 50,000 രൂപ മാത്രമേ അക്കൗണ്ടിൽ നിന്ന് പിൻവലിയ്ക്കാനാകൂ എന്നത് നിരവധി ഉപഭോക്താക്കളെ പ്രതിസന്ധിയിൽ ആക്കിയിരുന്നു,

അടുത്തമാസം മുതൽ യെസ് ബാങ്ക് ആ‍ര്‍ബിഐ നിയമിച്ച മുൻ എസ്ബിഐ ചീഫ് ഫിനാൻഷ്യൽ ഓഫീസര്‍ പ്രശാന്ത് കുമാര്‍ നയിക്കും എന്നും റിപ്പോർട്ടുകളുണ്ട്. എസ്ബിഐയുടെ നേതൃത്വത്തിൽ യെസ് ബാങ്ക് പുനരുദ്ധരണ പദ്ധതിയുടെ കരട് അടുത്തിടെ പ്രഖ്യാപിച്ചിരുന്നു.