ന്യൂഡൽഹി: പൊതുമേഖലാ ടെലികമ്മ്യൂണിക്കേഷന്‍ കമ്പനികളായ എംടിഎന്‍എലും ബിഎസ്എന്‍എലും ലയിപ്പിക്കാനുള്ള സർക്കാർ തീരുമാനത്തെ തുടര്‍ന്ന് എംടിഎന്‍എല്‍ ഓഹരി വില ഉയര്‍ന്നു.
ബിഎസ്എന്‍എൽ, എംടിഎന്‍എൽ എന്നീ കമ്പനികൾ അടച്ചു പൂട്ടുകയോ ഓഹരികള്‍ പൂര്‍ണമായി വിറ്റഴിക്കുകയോ ഇല്ലെന്ന് ഇന്നലെ (ബുധനാഴ്ച്ച) കേന്ദ്ര ടെലികമ്മ്യൂണിക്കേഷന്‍ മന്ത്രി രവി ശങ്കർ പ്രസാദ് വ്യക്തമാക്കിയിരുന്നു.
ഇരു കമ്പനികളെയും പുനരുദ്ധരിപ്പിക്കുന്നതിൻറെ ഭാഗമായി 70,00 കോടി രൂപയുടെ സഹായ പദ്ധതി കേന്ദ്ര സര്‍ക്കാര്‍ ഇന്നലെ പ്രഖ്യാപിച്ചിരുന്നു. ഇരു കമ്പനികൾക്കും കൂടെ 40,000 കോടി രൂപയാണ് കടബാധ്യതയുള്ളത്.
ഉത്തേജന പദ്ധതികളിൽ 15,000 കോടി രൂപയുടെ ബോണ്ട് ഇഷ്യൂ ഉള്‍പ്പെടുന്നുണ്ട്. ഇരു കമ്പനികള്‍ക്കും ന്യായമായ നിരക്കിൽ 4 ജി സ്പെക്ട്രം അനുവദിക്കും. 20140 കോടി രൂപയുടെ 4 ജി സ്പെക്ട്രം ആയിരിക്കും ഇരു കമ്പനികള്‍ക്കും കൂടെ അനുവദിക്കുക.
Also Read: മുത്തൂറ്റ് ഫിനാൻസ് കടപ്പത്രങ്ങളിലൂടെ 45 കോടി ഡോളർ സമാഹരിച്ചു