മുത്തൂറ്റ് ഫിന്‍കോര്‍പ്പ് എന്‍.സി.ഡികള്‍ ക്കായി ഒക്ടോബര്‍ 18 വരെ അപേക്ഷിക്കാം

പ്രമുഖ ബാങ്ക് ഇതര ധനകാര്യ സ്ഥാപനമായ മുത്തൂറ്റ് ഫിന്‍കോര്‍പ്പ് എന്‍.സി.ഡികള്‍ (ഓഹരികളാക്കി മാറ്റാനാകാത്ത കടപ്പത്രങ്ങള്‍) ഇഷ്യൂ ചെയ്തു. ഒക്ടോബര്‍ 18 വെള്ളിയാഴ്ച്ച ഇഷ്യൂ സമാപിക്കും. 250 കോടി രൂപ സമാഹരിക്കുകയാണ് ലക്ഷ്യം. കടപ്പത്രങ്ങള്‍ വഴി 900 കോടി രൂപ വരെ സമാഹരിക്കാന്‍ കമ്പനിക്ക് ഡയറക്ടര്‍ ബോര്‍ഡ് അനുമതി നല്‍കിയിട്ടുണ്ട്.

ഇത് നാലാം തവണയാണ് കമ്പനി എന്‍.സി.ഡികള്‍ പുറപ്പെടുവിക്കുന്നത്.
1,000 രൂപയാണ് മുഖ വില. കുറഞ്ഞത് 10,000 രൂപയ്ക്കാണ് എന്‍.സി.ഡികള്‍ക്കായി അപേക്ഷിക്കേണ്ടത്. 9.38 ശതമാനം മുതല്‍ 11.03 ശതമാനം വരെ നേട്ടമാണ് വാഗ്ദാനം ചെയ്യുന്നത്.400 ദിവസം, 24മാസം, 36 മാസം എന്നിങ്ങനെയാണ് കാലാവധി. പ്രവര്‍ത്തന മൂലധനം വിപുലീകരിക്കുന്നതിനായി തുക വിനിയോഗിക്കും എന്നാണ് സൂചന. ഇതിന് ടി.ഡി.എസ് ഈടാക്കില്ല.