സാങ്കേതികവിദ്യ
മൂന്നാം തലമുറ സെൽ-ടു-പാക്ക് (സിടിപി) സാങ്കേതികവിദ്യയാണ് ക്വിലിൻ / സിടിപി 3.0 എന്നു പേരിട്ടിരിക്കുന്ന ബാറ്ററിയിൽ ഉപയോഗിച്ചിരിക്കുന്നത്. ഇതിന് 72 ശതമാനം വോളിയം യൂട്ടിലൈസേഷൻ കഴിവുണ്ട്. 255 ഡബ്ല്യുഎച്ച്/കി.ഗ്രാം വരെയുള്ള എനർജി ഡെൻസിറ്റിയുമുള്ള ടെർനറി ബാറ്ററി സംവിധാനം ലോകത്തിലെ തന്നെ ഏറ്റവുമുയർന്ന ഇന്റഗ്രേഷനാണ് പ്രദാനം ചെയ്യുന്നതെന്ന് കമ്പനി അവകാശപ്പെടുന്നു. ചൈനീസ് പുരാണത്തിലെ ഇതിഹാസത്തിന്റെ പേരാണ് ബാറ്ററിക്ക് നൽകിയിരിക്കുന്ന ക്വിലിൻ എന്നത്. വൻതോതിലുള്ള ബാറ്ററി ഉല്പാദനം ആരംഭിക്കാനും, 2023 ൽ ഇത് വിപണിയിലെത്തിക്കാനുമാണ് കമ്പനി ലക്ഷ്യമിടുന്നത്.
പ്രധാന സവിശേഷത
മൊഡ്യൂളുകൾ ഇല്ലാതെ സെല്ലുകളെ പാക്കുകളിലേക്ക് കൂട്ടിച്ചേർക്കുന്ന സിടിപി സംവിധാനം സിസ്റ്റത്തിന്റെ എനർജി ഡെൻസിറ്റി വർധിപ്പിക്കും. കൂടാതെ ഇത് ഉല്പാദനത്തെ ലളിതമാക്കുകയും, ചെലവ് കുറയ്ക്കുകയും ചെയ്യും. ഇതിനു പുറമെ ഈ ടെക്നോളജി ഉല്പന്നത്തിന്റെ സർവീസ് ലൈഫ് വർധിപ്പിക്കും. ചാർജിങ് സ്പീഡ് വർധിക്കുമെന്നതും, മികച്ച സുരക്ഷ നൽകുമെന്നതും മറ്റ് ഗുണങ്ങളാണ്. കുറഞ്ഞ താപനിലയിൽ ഇത് പ്രവർത്തിക്കുമെന്നത് മറ്റൊരു പോസിറ്റീവാണ്.
ഇതര ഗുണങ്ങൾ
ബാറ്ററി അതിന്റെ ഫുൾ ലൈഫ് സൈക്കിൾ റിലയബിലിറ്റി വാഗ്ദാനം ചെയ്യുന്നു. ഇതിന്റെ ഇന്റഗ്രേറ്റഡ് എനർജി യൂണിറ്റ് ഷോക്ക്, വൈബ്രേഷൻ എന്നിവയ്ക്കെതിരെ പ്രതിരോധം തീർക്കുന്നു. സെല്ലും, മൾട്ടി ഫങ്ഷണൽ ഇലാസ്റ്റിക് ഇന്റർ ലേയറും ചേർന്നതാണ് ഇന്റഗ്രേറ്റഡ് എനർജി യൂണിറ്റ്.
താപനിലയുടെ കാര്യത്തിൽ സ്ഥിരത നില നിർത്തുമെന്നും, സുരക്ഷ നൽകുമെന്നും കമ്പനി പറയുമ്പോൾ ഉയർന്ന എനർജി ഡെൻസിറ്റിയുള്ള ഉല്പന്നങ്ങളുമായും, അപ്ഗ്രേഡുകളുമായും ഭാവിയിൽ യോജിച്ചു പോകാൻ സാധിക്കുമെന്നാണ് വിലയിരുത്തൽ.
പ്രതികൂല സാഹചര്യങ്ങൾ ഉണ്ടാവുകയാണെങ്കിൽ സെൽ വളരെ വേഗത്തിൽ കൂളാവുമെന്നും, സെല്ലുകൾ തമ്മിൽ ഉണ്ടാവാൻ സാധ്യതയുള്ള താപനിലയിലെ അന്തരങ്ങൾ മറികടക്കാൻ സാധിക്കുമെന്നും കമ്പനി പറയുന്നു. മാത്രമല്ല ഫാസ്റ്റ് മോഡിൽ ചാർജ്ജ് ചെയ്യാൻ കേവലം 10 മിനിറ്റ് മാത്രമാണ് വേണ്ടത്.
ബാറ്ററി വിജയിച്ചാൽ..
ഇത്തരമൊരു ഉല്പന്നത്തിന്റ വരവ് ഇ-വാഹന മേഖലയിൽ വൻ കുതിച്ചു ചാട്ടമുണ്ടാക്കുമെന്ന് വിലയിരുത്തപ്പെടുന്നു. ചാർജിങ് സ്പീഡ്, താപനിലയിലുണ്ടാകുന്ന അന്തരങ്ങൾ, സുരക്ഷാ സംബന്ധമായ ആശങ്കകൾ എന്നിവയ്ക്കെല്ലാം ഒറ്റയടിക്ക് പരിഹാരമാകുന്ന പ്രഖ്യാപനമാണ് പുതിയ പ്രൊഡക്ടിലൂടെ കമ്പനി നടത്തിയത്. ഉല്പന്നം വിജയിക്കുകയാണെങ്കിൽ ഭാവിയിലെ ബിസിനസായി വിലയിരുത്തപ്പെടുന്ന ഇ-വാഹനങ്ങളുടെ അവിഭാജ്യഘടകമായ ബാറ്ററിയുടെ ആഗോള തലത്തിലുള്ള കുത്തക നേടാനും ഇതിലൂടെ കമ്പനിക്കും, ചൈനയ്ക്കും സാധിക്കും.