വിജയക്കുതിപ്പുമായി മാരുതി നെക്സ ;വിൽപ്പനയുടെ 20 ശതമാനവും പ്രീമിയം മോഡലുകൾ

കൊച്ചി: പ്രീമിയം മോഡൽ വാഹനങ്ങളുടെ വിൽപ്പനയ്ക്കായി മാരുതി സുസുക്കി ആരംഭിച്ച നെക്സ എന്ന ബ്രാൻഡിന് വിജയക്കുതിപ്പ്. അഞ്ചു വര്‍ഷം കൊണ്ട് ഏറ്റവും വലിയ ഓട്ടോമൊബൈൽ റീട്ടെയ്ൽ ബ്രാൻഡായി നെക്സ വളര്‍ന്നു കഴിഞ്ഞു.

മാരുതി സുസുക്കിയുടെ 20 ശതമാനം കാര്‍യൂണിറ്റുകളു‍ടെ പ്രതിവര്‍ഷ വിൽപ്പനയും ഇപ്പോൾ നെക്സ ഷോറൂം വഴിയാണ്. കൊറോണ പ്രതിസന്ധിയെ തുടര്‍ന്ന് വാഹന വിപണി ഇടിഞ്ഞിട്ടും നെക്സ ഷോറൂമുകളിലൂടെ 30,000 ത്തോളം യൂണിറ്റുകൾ വിറ്റു പോയിരുന്നു. 11 ലക്ഷം ഉപഭോക്താക്കളാണ് ഇപ്പോൾ നെക്സയ്ക്കുള്ളത്.

Also Read: ലുലു ഇനി അക്ഷര നഗരിയായ കോട്ടയത്തേയ്ക്കും

എസ് ക്രോസ് ആയിരുന്നു നെക്സ ഷോറൂമിലൂടെ ആദ്യം വിറ്റഴിച്ചതെങ്കിലും ഇപ്പോൾ മാരുതിയോടെ അഞ്ചോളം പ്രീമിയം മോഡലുകൾ ഇതിലൂടെ വിറ്റഴിയ്ക്കുന്നുണ്ട്. 200 നഗരങ്ങളിൽ ആയി 320 ഓളം നെക്സ ഷോറൂമുകളാണ് ഇപ്പോൾ ഉള്ളത്.