മുംബൈ: വ്യാപാര മണിക്കൂറുകളുടെ തുടക്കത്തിൽ ഓഹരി സൂചികകളിൽ വ്യതിയാനം. നേട്ടത്തിലാണ് വ്യാപാരം ആരംഭിച്ചതെങ്കിലും താമസിയാതെ നഷ്ടത്തിലായി. സെന്‍സെക്‌സ് 90 പോയിന്‍റ് ഉയര്‍ന്ന് 33,971ലെത്തിയപ്പോൾ നിഫ്റ്റി 21 പോയിന്‍റ് നേട്ടത്തില്‍ 10,423ലുമെത്തി വ്യാപാരത്തിന് തുടക്കമായി.
ആദ്യവ്യാപാരത്തില്‍ ഐസിഐസിഐ ബാങ്ക്, എസ്ബിഐ, എച്ച്ഡിഎഫ്‌സി ബാങ്ക് തുടങ്ങിയവ നഷ്ടത്തിലായപ്പോൾ എല്‍ആന്‍റ്‍‍ടി, ഡോ.റെഡ്ഡീസ് ലാബ്, ടൈറ്റന്‍ കമ്പനി, ഒഎന്‍ജിസി, ഹിന്‍ഡാല്‍കോ, നാല്‍കോ, ടാറ്റ സ്റ്റീല്‍, ഇന്‍ഫോസിസ് തുടങ്ങിയവ നേട്ടം കൊയ്തു.
വ്യാപാരയുദ്ധവുമായി ബന്ധപ്പെട്ട് ചൈനീസ് പ്രസിഡന്‍റ് നടത്തിയ പ്രസ്താവന യുഎസ് ഓഹരി സൂചികകളിൽ കഴിഞ്ഞദിവസം ക്ലോസിങ് ടൈമിൽ ഉണര്‍വ്വുണ്ടാക്കിയിരുന്നു. എന്നാൽ ഏഷ്യന്‍ സൂചികകളില്‍ ഈ നേട്ടം പ്രതിഫലിച്ചിരുന്നില്ല.