സൂചികകൾ താഴേയ്ക്ക്; വിപണിയിൽ നഷ്ടം

മുംബൈ: ഓഹരി സൂചികകളില്‍ തുടര്‍ച്ചയായ ഉണര്‍വ്വിന് പിന്നാലെ ഇടിവ്. സെന്‍സെക്‌സ് 92 പോയിന്‍റ് നഷ്ടത്തില്‍ 37401ലെത്തിയപ്പോൾ നിഫ്റ്റി 27പോയിൻ്റ് താഴ്ന്ന് 11291ലുമെത്തി. ബിഎസ്ഇയിലെ 672 കമ്പനികളുടെ ഓഹരികള്‍ നേട്ടം കൊയ്തപ്പോൾ 491 ഓഹരികള്‍ നഷ്ടത്തിലാണ്.

ഒഎന്‍ജിസി, മാരുതി സുസുകി, റിലയന്‍സ്, ഏഷ്യന്‍ പെയിന്‍റ്സ്, ബജാജ് ഓട്ടോ, ടെക് മഹീന്ദ്ര, ആക്‌സിസ് ബാങ്ക്, ഡോ.റെഡ്ഡീസ് ലാബ്, ലുപിന്‍, സണ്‍ ഫാര്‍മ തുടങ്ങിയ ഓഹരികള്‍ നേട്ടം കൈവരിച്ചപ്പോൾ ടാറ്റ സ്റ്റീല്‍, ഇന്‍ഫോസിസ്, ടിസിഎസ്, ടാറ്റ മോട്ടോഴ്‌സ്, സിപ്ല, ഐടിസി, വിപ്രോ, വേദാന്ത, എച്ച്ഡിഎഫ്‌സി, ഐസിഐസിഐ ബാങ്ക്, ഭാരതി എയര്‍ടെല്‍, ഹിന്‍ഡാല്‍കോ, എച്ച്ഡിഎഫ്‌സി ബാങ്ക് തുടങ്ങിയ കമ്പനികളുടെ ഓഹരികള്‍ നഷ്ടം നേരിട്ടു.