വാരാദ്യം ഓഹരിവിപണിയിൽ നേട്ടത്തോടെ തുടക്കം

മുംബൈ: വാരാദ്യം ഓഹരിവിപണിയിൽ നേട്ടത്തോടെ തുടക്കമായി. തുടര്‍ച്ചയായി മൂന്നാമത്തെ വ്യാപാര ദിനത്തിലും ഓഹരി സൂചികകളില്‍ നേട്ടം തുടരുകയാണ്. സെന്‍സെക്‌സ് 172 പോയിന്‍റ് ഉയര്‍ന്ന് 35,097ലെത്തിയപ്പോൾ നിഫ്റ്റി 63 പോയിന്‍റ് നേട്ടത്തില്‍ 10,668ലുമെത്തി. ബിഎസ്ഇയിലെ 1438 കമ്പനികളുടെ ഓഹരികള്‍ നേട്ടം കൊയ്തപ്പോൾ 519 ഓഹരികള്‍ നഷ്ടം നേരിട്ടു.

ഐടി ഒഴികെയുള്ള വിഭാഗങ്ങളിലെ ഓഹരികളെല്ലാം നേട്ടം കൊയ്തു. എസ്ബിഐ, ഐടിസി, എച്ച്ഡിഎഫ്‌സി, ബജാജ് ഓട്ടോ, ഏഷ്യന്‍ പെയിന്‍റ്സ്, ടാറ്റ മോട്ടോഴ്‌സ്, സണ്‍ ഫാര്‍മ, ലുപിന്‍, ആക്‌സിസ് ബാങ്ക്, ഐസിഐസിഐ ബാങ്ക്, മാരുതി സുസുകി, സിപ്ല, ഡോ.റെഡ്ഡീസ് ലാബ് തുടങ്ങിയ ഓഹരികള്‍ നേട്ടം കൊയ്തപ്പോൾ ഒഎന്‍ജിസി, ടാറ്റ സ്റ്റീല്‍, ഇന്‍ഫോസിസ്, വിപ്രോ, ടെക് മഹീന്ദ്ര, ഹിന്‍ഡാല്‍കോ, ടിസിഎസ്, വേദാന്ത തുടങ്ങിയ ഓഹരികള്‍ നഷ്ടം നേരിട്ടു.