കാർലോസ് ഘോസ് 90 മില്ല്യൺ ഡോളര്‍ നഷ്ട പരിഹാരം നൽകണമെന്ന് നിസ്സാൻ

ടോക്കിയോ: നിസാൻ മുൻ ചെയ‍ര്‍മാൻ കാര്‍ലോസ് ഘോസ് 90 മില്ല്യൻ ഡോളറോളം നഷ്ട പരിഹാരം നൽകണമെന്ന് നിസാൻ. കാ‍ര്‍ലസ് ഘോസ് കമ്പനിയിൽ നടത്തിയ ക്രമക്കേടുകൾ കമ്പനിയ്ക്ക് വരുത്തിയ നഷ്ടം കണക്കാക്കിയാണ് നഷ്ട പരിഹാരം.

നഷ്ടത്തിലായ നിസാനെ വിജയത്തിലെത്തിച്ച കാര്‍ലോസ് പിന്നീട് നിസ്സാനിൽ നടത്തിയ തിരിമറികളുടെ പേരിൽ കമ്പനിയിൽ നിന്ന് പുറത്തായി.ഗുരുതരമായ അഴിമതിയാരോപണങ്ങളെ തുട‍ര്‍ന്ന് ജപ്പാനിൽ വീട്ടുതടങ്കലിൽ ആയിരുന്ന കാ‍ര്‍ലോസ് ഇപ്പോൾ സ്വദേശമായ ലബനനിലാണ്.

Also Read: ഇന്ത്യയിൽ ഈ വർഷം 20,000 തൊഴിൽ നിയമനങ്ങൾ നടത്തുമെന്ന് കൊഗ്നിസൻറ്

അതീവ രഹസ്യമായി ആയിരുന്നു ലബനനിൽ എത്തിയത്. ലബനനും ജപ്പാനും തമ്മിൽ കുറ്റവാളികളെ കൈമാറുന്നത് സംബന്ധിച്ച കരാറുകൾ ഇല്ലെങ്കിലും കാ‍ര്‍ലോസ് ഘോസിനെ വിട്ടു തരണമെന്ന് ജപ്പാൻ ആവശ്യപ്പെട്ടിട്ടുണ്ട്.

എന്നാൽ എതിരാളികൾ തന്നെ കുരുക്കാൻ കെട്ടിച്ചമച്ചത് മാത്രമാണ് ആരോപണങ്ങൾ എന്നാണ് കാര്‍ലോസ് ഘോസിൻറെ പക്ഷം. ഔദ്യോഗിക പദവി ദുരുപയോഗം ചെയ്തതും അനധികൃതമായി ശമ്പളം വാങ്ങിയതും ഉൾപ്പെടെ കുറ്റകൃത്യങ്ങളുടെ വലിയ ഒരു നിര തന്നെയുണ്ട് ഒരു കാലത്ത് നിസ്സാൻറെ മുഖമായിരുന്ന കാര്‍ലോസ് ഘോസിൻറെ പേരിൽ.