എയര്‍ ഇന്ത്യ വാങ്ങാന്‍ ആളില്ല

ന്യൂഡല്‍ഹി: സര്‍ക്കാര്‍ ഉടമസ്ഥതയിലുള്ള എയര്‍ ഇന്ത്യയിലെ ഓഹരികള്‍ വാങ്ങുന്നതിന് ആരും മുന്നോട്ടുവന്നില്ല. ടെലിവിഷന്‍ ചാനലുകളോടാണ് സിവില്‍ ഏവിയേഷന്‍ സെക്രട്ടറിയുടെ പ്രതികരണം. നാളെ ലേലം അവസാനിക്കും.

മേയ് 14-ന് ആയിരുന്നു എയര്‍ ഇന്ത്യ ഓഹരികളില്‍ ലേലം കൊള്ളാനുള്ള അവസാന തീയതി. ഇത് പിന്നീട് മേയ് 31 ആക്കി നീട്ടി. പക്ഷേ, നഷ്‍ടത്തിലോടുന്ന എയര്‍ ഇന്ത്യയെ വാങ്ങാന്‍ ആരും എത്തിയില്ല.

ഇനി ലേല തീയതി നീട്ടില്ലെന്ന് സിവില്‍ ഏവിയേഷന്‍ സെക്രട്ടറി ആര്‍എന്‍ ചൗബെയ്‍ വ്യക്തമാക്കിയിട്ടുണ്ട്.

സ്ഥിരമായി നഷ്‍ടം ഉണ്ടാക്കുന്ന എയര്‍ ഇന്ത്യ, വായ്‍പകളുടെ പുറത്താണ് പറക്കുന്നത്. ഇതുവരെ കടം തിരിച്ചടയ്ക്കാന്‍ എയര്‍ ഇന്ത്യക്ക് കഴിഞ്ഞിട്ടില്ല. കഴിഞ്ഞ മാര്‍ച്ചില്‍ ആണ് ഓഹരികള്‍ വില്‍ക്കാന്‍ സര്‍ക്കാര്‍ തീരുമാനിച്ചത്. 76 ശതമാനം ഓഹരികള്‍ ആണ് സര്‍ക്കാരിനുള്ളത്. ഏകദേശം 5.1 ബില്യണ്‍ ഡോളര്‍ കടമാണ് കേന്ദ്ര സര്‍ക്കാരിനുള്ളത്.