സംഭരണശേഷി കുറഞ്ഞു: നാണയ നിർമാണം നിർത്തിവെച്ചു

ന്യൂഡൽഹി: പുതിയ നാണയങ്ങളുടെ നിർമാണം നിർത്തിവെക്കാൻ കേന്ദ്രസർക്കാർ നിർദേശം. സംഭരണശേഷി കവിഞ്ഞതിനെ തുടർന്നാണ് നിർമാണം നിർത്തിവെക്കാൻ കേന്ദ്രം നിർദേശിച്ചത്. നോയിഡ, മുംബൈ, കൊൽക്കത്ത, ഹൈദരാബാദ് എന്നീ നാല് മിന്‍റിങ് യൂണിറ്റുകളുടെ ജനറൽ മാനേജർമാർക്ക് കേന്ദ്രം ഇത് സംബന്ധിച്ച കത്ത് നൽകി.

മിന്‍റിങിന് സർക്കാരാണ് നേതൃത്വം നൽകുന്നതെങ്കിലും വിതരണം നടത്തുന്നത് ആർബിഐയാണ്. 2500 മില്യൺ നാണയങ്ങൾ ഇപ്പോൾ സർക്കാർ സംരക്ഷണയിലുണ്ട്. ഈ നടപടി രാജ്യത്ത് ഒരു കാരണവശാലും നാണയ ദാരിദ്ര്യം ഉണ്ടാകില്ലെന്ന് സർക്കാർ വൃത്തങ്ങൾ സൂചിപ്പിച്ചു.