ബജറ്റ് നിരയിൽ മത്സരം തീര്‍ക്കാൻ നോക്കിയ എക്സ്5 സ്മാര്‍ട്‍‍ഫോൺ എത്തുന്നു

പുതിയ നോക്കിയ എക്സ്5 സ്മാര്‍ട്‍‍ഫോൺ ചൈനീസ് വിപണിയിൽ അവതരിപ്പിച്ചു. 720 X 1520 പിക്സൽ 5.86 ഇഞ്ച് ഡിസ്പ്ലേയോടു കൂടി വിപണിയിലെത്തുന്ന ഉത്പന്നം ബജറ്റ് സ്മാര്‍ട്‍‍ഫോൺ വിപണിയിൽ തരംഗം തീര്‍ക്കുമെന്ന് ഉറപ്പാണ്. പുതിയ മോഡൽ ഉടൻ തന്നെ ഇന്ത്യയിലെത്തിയേക്കും.

2 ഗിഗാഹെര്‍ട്സ് ഒക്ടാകോര്‍ മീഡിയാടെക് ഹീലിയോ പി60 പ്രോസസ്സറഉം 3 ജിബി റാമുമാണ് ഫോണിനുള്ളത്. 32 ജിബി ഇൻ്റേണൽ മെമ്മറിയും ഫോണിനുണ്ട്. ഇത് മൈക്രോഎസ്‍‍‍ഡി കാര്‍ഡിന്‍റെ സഹായത്തോടെ 256 ജിബി വരെയായി വര്‍ധിപ്പിക്കാം. 13 മെഗാപിക്സൽ ശേഷിയുള്ള പ്രധാനക്യാമറയും എട്ട് മെഗാപിക്സലിന്‍റെ സെൽഫി ക്യാമറയുമാണ് ഫോണിനുള്ളത്. 3060 എംഎഎച്ച് ആണ് ബാറ്ററി ശേഷി.

ആൻ‍ഡ്രോയ്ഡ് 8.1 ഓപ്പറേറ്റിങ് സിസ്റ്റത്തിലാണ് നോക്കിയ എക്സ്5ഴൻ്റെ പ്രവര്‍ത്തനം.

വൈഫൈ, ജിപിഎസ്, ബ്ലൂടൂത്ത്, യുഎസ്ബി ഒടിജി, എഫ്എം, സംവിധാനങ്ങളുള്ള ഫോണിൽ രണ്ട് നാനോ സിം കാര്‍ഡുകള്‍ ഉപയോഗിക്കാം. 4ജി സംവിധാനവും ഫോണിലുണ്ട്. കോംപസ്, മാഗ്നോമീറ്റര്‍, പ്രോക്സിമിറ്റി സെൻസര്‍, ആക്സിലറോമീറ്റര്‍, ആംബിയൻ്റ് ലൈറ്റ് സെൻസര്‍, ഗൈറോസ്കോപ്പ് തുടങ്ങിയ സെൻസറുകളും നോക്കിയ എക്സ്5ൽ ഉണ്ട്.