കറൻസികളിൽ കൊവിഡ് വൈറസിന് കൂടുതൽ അതിജീവന ശേഷി

കൊച്ചി: കറൻസികളിൽ കൊവിഡ് വൈറസിന് 28 ദിവസം വരെ നിലനിൽക്കാൻ ആകുമെന്ന് പുതിയ പഠനം. ബാങ്കുകൾക്കും മറ്റു ധനകാര്യസ്ഥാപനങ്ങൾക്കും ഇത് വെല്ലുവിളിയാകും. നേരിട്ടു പണം ഇടപാടുകൾ നടത്തുന്ന സ്ഥാപനങ്ങളിൽ കൊവിഡ് വ്യാപനത്തിന് ഇടയുണ്ട് എന്നതിനാൽ ആണിത്.

ആസ്ട്രലിയൻ നാഷണൽ സയൻസ് ഏജൻസിയുടെ പഠനത്തിലാണ് പുതിയ കണ്ടെത്തൽ. ബിബിസി ഉൾപ്പെടെയുള്ള രാജ്യാന്തര മാധ്യമങ്ങൾ ഇത് റിപ്പോര്‍ട്ട് ചെയ്തിട്ടുണ്ട്. പ്ലാസ്റ്റിക് നോട്ടുകളേക്കാൾ അതിജീവന ശേഷിയുണ്ടാകും പേപ്പര്‍ നോട്ടുകളിൽ വൈറസിന്. ഓരോ പ്രതലങ്ങളിലും വിവിധ കാലയളവാണ് വൈറസിൻെറ അതിജീവന ശേഷി.

രോഗാണുക്കളുടെ പ്രവഹ കേന്ദ്രം കൂടെയാണ് കറൻസികൾ എന്ന് യുഎസ് ഫെഡറൽ റിസ‍ര്‍വും മുമ്പ് ചൂണ്ടിക്കാട്ടിയിരുന്നു. ചൈനയിൽ കൊറോണ വൈറസ് ബാധയുടെ തുടക്കത്തിൽ തന്നെ
ബാങ്കുകൾ കറൻസികൾ അൾട്രാവൈലറ്റ്, ഹീറ്റ് ട്രീറ്റ്മെൻറുകൾ ഉപയോഗിച്ച് അണുവിമുക്തമാക്കാൻ ശ്രമിച്ചിരുന്നു.

വൈറസ് ബാധ പട‍ര്‍ന്നു കൊണ്ടിരിക്കുന്ന രാജ്യങ്ങളിൽ കറൻസികൾക്ക് പകരം കൊൺടാക്ട് ലെസ് പണം ഇടപാടുകൾ നടത്തുന്നത് ആണ് സുരക്ഷിതം എന്നാണ് ലോകാരോഗ്യ സംഘടന
തന്നെ വ്യക്തമാക്കിയിട്ടുണ്ട്. രാജ്യത്തെ വിവിധ ബാങ്കുകളും ഡിജിറ്റൽ പണം ഇടപാടുകളാണ് പ്രോത്സാഹിപ്പിയ്ക്കുന്നത്.

Also Read: മൊബൈൽ ഫോൺ സ്ക്രീനിലും കറൻസിയിലും കൊവിഡ് വൈറസ് '28 ദിവസം വരെ നിലനിൽക്കും

ദിവസേന പണം കൈകാര്യം ചെയ്തതിന് ശേഷം ഹാൻഡ് സാനിറ്റൈസര്‍ അല്ലെങ്കിഷ ഹാൻഡ് വാഷ് ഉപയോഗിച്ച് കൈകൾ വൃത്തിയാക്കേണ്ടതിൻെറ ആവശ്യകത കൂടെയാണ് പുതിയ പഠനം സൂചിപ്പിയ്ക്കുന്നത്. അത്യാവശ്യമെങ്കിൽ മാത്രം ബാങ്ക് സന്ദര്‍ശനം മതി. ഡിജിറ്റൽ പണം ഇടപാടുകൾ ശീലമാക്കുന്നതാകും കൂടുതൽ സുരക്ഷിതം ആകുക.

ബാങ്കുകളിൽ ജീവനക്കാര്‍ക്കിടയിൽ പോസിറ്റീവ് കേസുകൾ റിപ്പോര്‍ട്ട് ചെയ്യുന്നുണ്ട് എന്നതും ശ്രദ്ധേയമാണ്. കണ്ടെയ്ൻെറ്മെൻറ് സോണുകളിൽ ഉൾപ്പെടെ ഡിജിറ്റൽ പണം ഇടപാടുകളും ഇൻറര്‍നെറ്റ് ബാങ്കിങ്ങും ശീലമാക്കാം.

കഴിഞ്ഞ നാലു വര്‍ഷമായി രാജ്യത്തെ ഡിജിറ്റൽ ഇടപാടുകളിൽ 55 ശതമാനത്തോളം വര്‍ധനയുണ്ട്. കൊവിഡ് കാലത്തും ഇടപാടുകൾ കൂടുന്നുണ്ട്. 2020 മാര്‍ച്ചിൽ 3,434.5 crore ഡിജിറ്റൽ പണം ഇടപാടുകളാണ് രാജ്യത്ത് നടന്നത്.