ലോക്ക്ഡൗണിന് ശേഷം പഴയ സ്വർണാഭരണ വിൽപ്പന കുതിച്ചേക്കും; കാരണം ഇതാണ്

കൊച്ചി: രാജ്യത്ത് 21 ദിവസത്തെ ലോക്ക്ഡൗണിന് ശേഷം പഴയ സ്വ‍ര്‍ണാഭരണ വിൽപ്പന കുതിച്ചേക്കും എന്ന ജ്വല്ലറി ഉടമകൾ. സാമ്പത്തിക പ്രതിസന്ധി മറികടക്കാൻ സ്വ‍ര്‍ണം വിറ്റ് ആളുകൾ പണം ആക്കാൻ ശ്രമിച്ചേക്കും എന്നതിനാലാണിത്. അതുകൊണ്ടു തന്നെ പഴയ സ്വ‍ര്‍ണാഭരണ വിൽപ്പനയിൽ കുതിപ്പ് പ്രതീക്ഷിയ്ക്കുകയാണ് ഈ രംഗത്തുള്ളവ‍ര്‍.

10 ഗ്രാം സ്വ‍ര്‍ണം 45,000 രൂപ നിലവാരത്തിലാണ് ഇപ്പോൾ ട്രേഡിങ് നടക്കുന്നത്. ലോക്ക്ഡൗൺ മൂലം വിളകൾ വിൽക്കാനാകാത്തതിനാൽ വലിയ പ്രതിസന്ധിയിൽ ആയിരിക്കുന്ന കര്‍ഷകര്‍ ഉൾപ്പെടെ സ്വ‍ര്‍ണാഭരണങ്ങൾ വിറ്റ് പണം കണ്ടെത്താൻ ശ്രമിയ്ക്കും എന്നാണ് അനുമാനം. ഗ്രാമീണ പ്രദേശങ്ങളിലെ ഏറ്റവും വലിയ നിക്ഷേപമാണ് സ്വ‍ര്‍ണം. ഇന്ത്യയുടെ വാ‍ര്‍ഷിക സ്വ‍ര്‍ണ ഉപഭോഗത്തിൻറെ 60 ശതമാനവും ഗ്രാമീണ മേഖലയിലാണ്. ഏകദേശം 850-900 ടൺ വരും ഇത്.

Also Read: https://malayalam.samayam.com/business/business-news/pm-cares-fund-offers-tax-benefit-to-individuals-all-things-you-need-to-know-about-it/articleshow/74983763.cms

ലോക്ക്ഡൗൺ സാമ്പത്തിക സ്ഥിതിയെ ബാധിയ്ക്കാൻ ഇടയുള്ളതിനാൽ മദ്ധവ‍ര്‍ഗ്ഗക്കാരുടെ ഇടയിൽ സ്വ‍ര്‍ണാഭണ വിൽപ്പനയും, സ്വ‍ര്‍ണ പണയ വായ്പകളും കൂടിയേക്കാം എന്നാണ് ഈ രംഗത്തുള്ളവ‍ര്‍ പറയുന്നത്. സ്വ‍ര്‍ണത്തിൻറെ ഖനനം നടക്കാത്തതിനാലും ഗതാഗത മേഖല സ്തംഭിച്ചിരിയ്ക്കുന്നതിനാൽ ജ്വല്ലറികൾക്ക് സ്വ‍ര്‍ണ ലഭ്യതയില്ലാത്തത് പ്രതിസന്ധി സൃഷ്ടിയ്ക്കാൻ ഇടയുണ്ട്.

എന്നാൽ വിപണയിൽ എത്തുന്ന പഴയ സ്വ‍ര്‍ണാഭരണങ്ങൾ ഈ പ്രതിസന്ധി മറികടക്കാൻ സഹായകരമാകും. കൊറോണ വൈറസ് പ്രതിസന്ധിയെ തുട‍ര്‍ന്ന് കല്യാണങ്ങൾ കൂട്ടമായി ക്യാൻസൽ ചെയ്തതുൾപ്പടെ ജ്വല്ലറി ഉടമകൾക്ക് പ്രതിസന്ധിയായിരുന്നു,